ايماقتار • 08 تامىز، 2020

الماتىدا ەسىرتكى ءوندىرىسىن ۇيىمداستىرعان ەكى ەر ادام قۇرىقتالدى

10 رەت كورسەتىلدى

2020 جىلعى 27 شىلدەدە ۇلتتىق قاۋىپسىزدىك كوميتەتى الماتى قالاسىندا زەرتحانا جاعدايىندا سينتەتيكالىق ەسىرتكى ءوندىرىسىن ۇيىمداستىرعان قازاقستاننىڭ ەكى ازاماتىن ۇستادى. بۇل تۋرالى ۇلتتىق قاۋىپسىزدىك كوميتەتىنە سىلتەمە جاساي وتىرىپ Egemen.kz حابارلايدى.

زەرتحانانى، ۇستالعانداردىڭ تۇرعىن ءۇيى مەن اۆتوكولىگىن ءتىنتۋ بارىسىندا ساتۋعا دايىن جانە كريستالداۋ كەزەڭىندە تۇرعان جالپى العاندا 55 كگ-دان ارتىق جوعارى ساپالى "مەفەدرون" ەسىرتكى زاتى (الىنعان پارتيانىڭ "قارا نارىقتاعى" قۇنى شامامەن 1،5 ميلليارد تەڭگەنى قۇرايدى)، سونداي-اق ءىرى سوماداعى شەتەل ۆاليۋتاسى مەن اتىس قارۋى الىندى. 

ودان باسقا، ەسىرتكى ءوندىرۋدىڭ تولىق ءارى ساپالى تسيكلىن قامتاماسىز ەتەتىن زەرتحانا جابدىعى، 30 كگ ەسىرتكى جاساۋ ءۇشىن جەتكىلىكتى ءبىر تونناعا جۋىق پرەكۋرسور مەن حيميالىق رەاگەنتتەر  الىندى.

ۇستالعان ادامدار تەرگەۋ يزولياتورىنا قامالدى. ەسىرتكى جاساۋ جانە وتكىزۋ فاكتىسى بويىنشا م ۇلىكتى تاركىلەۋمەن ون بەس جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيتىن قر قك 297-بابى 3-بولىگى بويىنشا قىلمىستىق ءىس قوزعالدى.

كۇدىكتىلەر باستاپقىدا تۇرعىلىقتى جەرى بويىنشا جاسىرىن ەسىرتكى سينتەزىن ۇيىمداستىرعان. كەيىننەن ەسىرتكى زاتىن ساتۋدان تۇسكەن اقشاعا "ىلە-الاتاۋ ۇلتتىق پاركى" اۋماعىندا كوتتەدج ساتىپ الىپ، وندا "مەفەدرون" ءوندىرۋ بويىنشا تولىققاندى جاسىرىن زەرتحانا اشقان.    

ونەركاسىپ اۋقىمىنداعىداي وندىرىلگەن ەسىرتكى ءىرى پارتيالاردا ينتەرنەت جەلىسىنىڭ "DarkNet" كولەڭكەلى سەگمەنتىندە ارەكەت ەتەتىن ءىرى ەسىرتكى دۇكەندەرىنىڭ وكىلدەرىنە وتكىزىلىپ وتىرعان. بۇل رەتتە، ەسىرتكى ءۇشىن تولەمدى باسىم كوپشىلىگىندە بيتكويندارمەن العان.  

ۇستالعانداردىڭ ايتۋى بويىنشا، وندىرىلگەن ەسىرتكى قازاقستاندا تازالىعى مەن ساپاسى بويىنشا ۇقساسى بولماعاندىقتان، ءىرى قالالاردىڭ ساتىپ الۋشىلارى اراسىندا جوعارى سۇرانىسقا يە بولعان.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار