بۇگىندە وبلىستا 490 مەكتەپ جۇمىس ىستەيدى. الداعى وقۋ جىلى 12 مىڭنان استام بالا العاش رەت مەكتەپ تابالدىرىعىن اتتايىن دەپ وتىر. جاڭا وقۋ جىلى جالپى ايماق مەكتەپتەرىندە 108,6 مىڭ بالا وقيدى دەگەن بولجام بار. 16 مىڭ بالا ءداستۇرلى تۇردە مەكتەپ قابىرعاسىندا وقىماق. ال 27 مىڭوقۋشى كەزەكشى سىنىپتاردا, 65 مىڭ شاكىرت قاشىقتىقتان ءبىلىم الاتىن بولادى.
بيىل, اۋىلدىق مەكەندەردەگى شاعىن كومپلەكستى مەكتەپتەردى قوسپاعاندا, بارلىق مەكتەپتەر جاڭا وقۋ جىلىن قاشىقتان وقىتۋ جۇيەسى ارقىلى باستاماق. وبلىستا 18,6 مىڭ وقۋشىنى قامتيتىن 330 شاعىن كومپلەكستى مەكتەپ بار. ونىڭ ىشىندە جالپى سانى 16 مىڭنان استام وقۋشى بار 265مەكتەپ سانيتارلىق-ەپيدەميولوگيالىق قاۋىپسىزدىك شارالارىن كۇشەيتە وتىرىپ, شتاتتىق رەجءىمدە وقيتىن بولادى. بۇل مەكتەپتەردەگى وقىتۋ ەكى اۋىسىمدا ۇيىمداستىرىلادى, اۋىسىمدار اراسىندا ءبىر جارىم ساعات ءۇزىلىس بولادى, جەلدەتۋ رەجيمى قاتاڭ ساقتالادى جانە ءار ساباقتان كەيىن دەزينفەكتسيالاۋ جۇرگىزىلەدى. مەكتەپتەردە ماسكالىق رەجءىم ەنگىزىلىپ, مەديتسينالىق باقىلاۋ كۇشەيتىلەدى.
اۋىلدارداعى شاعىن كومپلەكستى مەكتەپتەردىڭ وقۋشىلارى سول ەلدى مەكەندەردىڭ ەپيدەمييالىق اھۋالى تۇراقتانعان جاعدايدا عانا مەكتەپكە بارىپ وقيتىن بولادى. ەگەر جاعداي ۋشىعىپ جاتسا,وبلىستىڭ ءبىلىم بەرۋ جۇيەسى تولىقتاي قاشىقتان وقىتۋ رەجىمىنە كوشەدى. قالعان 225 مەكتەپتەگى وقۋ ۇدەرىسى قاشىقتان ۇيىمداستىرىلادى. بۇل مەكتەپتەردە جالپى سانى 92,5 مىڭ وقۋشى بار.
- قاشىقتان وقىتۋدى ۇيىمداستىرۋ ءۇشىن بيىل جازدا 1,4 ملرد تەڭگەگە 6 مىڭ كومپيۋتەر ساتىپ الىندى. بۇل وبلىستىڭ ءبىلىم بەرۋ ۇيىمدارىنىڭ كومپيۋتەرلىك پاركىن 50%-عا جاڭارتۋعا مۇمكىندىك بەردى. مۇنىڭ سىرتىندا, قازاقستان رەسپۋبليكاسى ءبىلىم جانە عىلىم مينيسترلىگى ۇكىمەتتىك رەزەرۆتەن جالپى سوماسى 2,4 ملرد تەڭگەگە 15 مىڭنان استامكومپيۋتەرلىك تەحنيكانى ساتىپ الۋعا قوسىمشا قاراجات ءبولۋدى قاراستىرىپ جاتىر. مۇعالىمدەر مەن وقۋشىلارعا, ءبىرىنشى كەزەكتە الەۋمەتتىك وسال توپتارعا جاتاتىن وتباسىلارداعى بالالارعا قايتارىلمالى نەگىزدە 11188 كومپيۋتەرلىك تەحنيكا بەرىلدى, - دەدى ا.مۇحامبەتوۆ.
