COVID-19-عا قاتىستى احۋالعا بايلانىستى قازاقستاندا كارانتين ەنگىزىلگەلى, نۇر-سۇلتان قالاسى اكىمدىگىنىڭ سپورتتىق-بۇقارالىق ءىس-شارالاردى وتكىزۋ ديرەكتسياسى قاشىقتان جۇمىس جاساۋعا كوشكەن. ديرەكتسيا كارانتين كەزىندە @elordasport Instagram پاراقشاسىندا "ONLINE-سۇحبات" ايدارى, "ONLINE-جاتتىعۋ", "ONLINE-جارىستار" جانە اپتانىڭ سەيسەنبى جانە جۇما كۇندەرى تىنىس الۋ جاتتىعۋلارى بويىنشا ەفيرلەر وتكىزۋدە. وسى كۇنگە دەيىن ەلىمىزگە بەلگىلى سپورت شەبەرلەرىمەن 25 سۇحبات ۇيىمداستىرىلعان. ونىڭ ىشىندە ەلدوس سمەتوۆ, يسلام بايرامۋكوۆ, اقجۇرەك تاڭاتاروۆ, قۋات حاميتوۆ جانە ارمان وسپانوۆ سىندى كاسىپقوي سپورتشىلارمەن دە سۇحباتتار بار. سونىمەن قاتار ريمما ۆولوسەنكو, ايگەريم ابيلكادىروۆا, ەربول مۋساباەۆ, ايتىم جاكۋپوۆ جانە ۆاسيلي تاحتاي سياقتى ەلىمىزگە تانىمال سپورت شەبەرلەرىمەن جاتتىعۋلار ءوتتى.
"ديرەكتسيا وسى ۋاقىتقا دەيىن ZOOM باعدارلاماسى ارقىلى 8 ونلاين جارىس وتكىزدى. اتاپ ايتقاندا, پلانكا جاساۋدان, «Family Victory» وتباسىلىق جارىسى, اباي قۇنانباەۆتىڭ 175 جىلدىعىنا وراي توعىزقۇمالاقتان اشىق-ونلاين تۋرنير, ەسىل اۋدانىنىڭ مەكتەپ وقۋشىلارى اراسىندا بەس اسىقتان ونلاين جارىس, كەكۋشينكاي-كاراتە وقۋشىلارى اراسىندا كاتا بويىنشا, ەلوردا تۇرعىندارى اراسىندا دوپ سوعۋ, تۋرنيكتە تارتىلۋ بويىنشا جانە دويبىدان ونلاين-جارىستار مەن تۋرنيرلەر ءوتتى. جالپى, ONLINE-جارىسقا 500-گە جۋىق نۇر-سۇلتان قالاسىنىڭ تۇرعىنى قاتىستى", دەلىنگەن دەنە شىنىقتىرۋ جانە سپورت باسقارماسىنىڭ حابارلاماسىندا.
الداعى ۋاقىتتا, سپورت كۇنىنە وراي مۇمكىندىگى شەكتەۋلى جاندار اراسىندا شاحماتتان ونلاين جارىس, ۇلتتىق سپورت تۇرلەرىنەن ونلاين جارىستار, كونستيتۋتسيا كۇنىنە وراي ونلاين سپورتتتىق ءىس - شارالار جوسپارلانۋدا. شارالار تۋرالى قوسىمشا اقپارات @elordasport Instagram پاراقشاسىندا الدىن الا جاريالانىپ, سپورتتىق ءىس شارالار "ZOOM" باعدارلاماسى ارقىلى وتەدى.
