23 قازان، 2013

كەلىسسوزدەر مەموراندۋممەن بەكي ءتۇستى

151 رەت كورسەتىلدى

ەلىمىزدىڭ سىرتقى ىستەر ءمينيسترى ەرلان ىدىرىسوۆ قازاقستان مەن سينگاپۋر اراسىنداعى ديپلوماتيالىق قارىم-قاتىناستاردىڭ 20 جىلدىق مەرەيتويىنا ورايلاستىرىلعان قازاقستانعا ساپارى اياسىندا ءوزىنىڭ سينگاپۋرلىق ارىپتەسى گرەيس فۋ حانىممەن كەزدەسۋ وتكىزدى.

 

ەلىمىزدىڭ سىرتقى ىستەر ءمينيسترى ەرلان ىدىرىسوۆ قازاقستان مەن سينگاپۋر اراسىنداعى ديپلوماتيالىق قارىم-قاتىناستاردىڭ 20 جىلدىق مەرەيتويىنا ورايلاستىرىلعان قازاقستانعا ساپارى اياسىندا ءوزىنىڭ سينگاپۋرلىق ارىپتەسى گرەيس فۋ حانىممەن كەزدەسۋ وتكىزدى.

بۇگىندە قازاقستان مەن سين­گا­پۋر ىسكەر ارىپتەستەر بولىپ تابىلادى، ءتۇرلى سالالارداعى ىن­تىماقتاستىق دامىپ كەلەدى، ءوزارا ىقپالداستىقتىڭ ايتارلىقتاي جوعارى دەڭگەيىنە قول جەتكىزىلدى. ءبىزدىڭ ەلدەرىمىز اراسىنداعى ۇزاق مەرزىمدى بولاشاققا ارنالعان جەمىستى ىنتىماقتاستىق نەگىزىن قازاقستان رەسپۋبليكاسىنىڭ پرەزيدەنتى نۇرسۇلتان نازار­باەۆتىڭ 1996 جانە 2003 جىلدارى سينگاپۋرعا ساپارى، سونىمەن قاتار، سينگاپۋردىڭ ءبىرىنشى پرەمەر-ءمينيسترى لي كۋان يۋدىڭ ءبىزدىڭ ەلىمىزگە 1991 جىلى جاساعان ساپارلارى قالادى. بۇل قوماقتى نەگىز ءوزارا ءتيىمدى باعىتتاردىڭ بارلىق قىرلارى بويىنشا ىنتىماقتاستىقتى دامىتۋعا قولايلى جاعداي تۋعىزۋعا مۇمكىندىك بەردى.

ە.ىدىرىسوۆ پەن گ.فۋ ءوزارا مۇددەلى كەڭ اۋقىمدى ەكىجاقتى ماسەلەلەردى، سونىمەن قاتار، ايماقتىق جانە حالىقارالىق قاۋىپسىزدىك ماسەلەلەرىن تالقىلادى. سينگاپۋر وڭتۇستىك-شىعىس ازياداعى جەتەكشى ساۋدا-قارجى ورتالىعى رەتىندە مويىندالسا، ساۋدا-ەكونوميكالىق جانە ينۆەستيتسيالىق ىقپالداستىق ەكىجاقتى قارىم-قاتىناستىڭ باسىم باعىتى بولىپ تابىلادى. ەكى ەلدىڭ مينيسترلەرى جاھاندىق ەكو­نوميكالىق قۇلدىراۋعا قا­راماستان مەملەكەتتەرىمىز ارا­سىنداعى تاۋار اينالىمى ءوت­كەن جىلعى كورسەتكىشپەن سالىس­تىر­عاندا 60 پايىزعا وسكەنىن ۇلكەن قاناعات سەزىمىمەن اتاپ ءوتتى.

ىنتىماقتاستىقتىڭ تاعى ءبىر ماڭىزدى باعىتى – مۇناي وڭدەۋ سالاسىنداعى بىرلەسكەن جۇمىس. وسىلايشا، سينگاپۋرلىق «Jurong Consultans» كومپانياسىنىڭ قاتىسۋىمەن ەلىمىزدىڭ باتىسىندا ءىرى جوبا – مۇناي-حيميا پاركى جۇزەگە اسىرىلۋدا. باس جوسپار بويىنشا ءتۇرلى پوليمەرلەر مەن پوليەتيلەندەر شىعاراتىن ءتورت زاۋىت سالىنىپ، 2016-2018 جىلدارى قولدانىسقا بەرىلەدى.

سونىمەن قاتار، تاراپتار بەلگىلى سينگاپۋرلىق «Changi Airport International» كومپانياسىنىڭ الماتى قالاسى جانىندا جاڭا اۋەجاي قۇرىلىسى جوباسىنا قاتىسۋى بويىنشا ماسەلەلەردى تالقىعا سالدى. كاسىپتىك-تەحنيكا سالاسىنداعى ىنتىماقتاستىقتىڭ دەڭگەيى اتاپ ءوتىلدى. وسىلايشا، «تەماسەك فاۋندەيشن» سينگاپۋرلىق قوردىڭ قارجىلاي كومەگىنىڭ ارقاسىندا 2012 جىل بويى تەحنيكالىق جانە كاسىپتىك جۇيەدەگى 100-دەن استام قازاقستاندىق جەتەكشى جانە پەداگوگيكالىق قىزمەتكەرلەر سينگاپۋردا ءبىلىمىن كوتەردى.

استانادا وتەتىن ەكسپو-2017 حالىقارالىق كورمەسىنە جەتەكشى سينگاپۋرلىق كومپانيالاردىڭ قاتىسۋى كەلىسسوزدەردىڭ ءوز الدىنا بولەك تاقىرىبىنا اينالدى.

كەلىسسوزدەر قورىتىندىسى بويىنشا ساياسي سالاداعى قا­زاقستان-سينگاپۋر قارىم-قاتى­ناسىن ودان ءارى كەڭەيتۋگە جانە كوپجاقتى قۇرىلىمدار شەڭ­بەرىندەگى ءوزارا ىقپالداستىقتى نى­عايتۋعا ارنالعان قازاقستان مەن سينگاپۋر اراسىنداعى ءوزارا تۇسىنىستىك پەن ساياسي كەڭەستەر تۋ­رالى مەموراندۋمعا قول قويىلدى.

كەلىسسوزدەر سوڭىندا وتكەن­ ءباسپاسوز ءماسليحاتىندا ە.ىدى­رى­سوۆ قازاقستان سينگاپۋردىڭ تابىستى الەۋمەتتىك-ەكونوميكا­لىق دامۋىن وزىنە يكەمدەپ الىپ وتىرعانىن اتاپ ءوتتى. اتاپ ايتقاندا، ءبىزدىڭ ەلىمىزدە ۇكى­مەتتىك اكتيۆتەردى باسقارۋ بويىنشا مەملەكەتتىك حولدينگ قۇرۋ، سونىمەن قوسا، ساياسي جانە اكىمشىلىك مەملەكەتتىك قىزمەتكەرلەردى قاراستىراتىن مەم­لەكەتتىك قىزمەتتىڭ سينگا­پۋر­لىق مودەلىنىڭ ەلەمەنتتەرى قابىلداندى. تۇتاستاي العاندا، ەكى ەل اراسىندا ءوزارا ارىپتەستىكتى تەرەڭدەتۋگە ۇلكەن ۇمتىلىس بار. ە.ىدىرىسوۆ سينگاپۋرلىق ارىپتەسىنە ءوز ەلىنىڭ پرەمەر-ءمينيسترى لي سيان لۋنعا قازاق­ستان­عا وزىنە قولايلى ۋاقىتتا كەلۋگە شاقىرۋىن تابىس ەتتى. شاقىرۋ سينگاپۋرلىق تاراپتان ريزاشىلىقپەن قابىلداندى.

سينگاپۋرلىق مينيستر ءوز كەزەگىندە ءبىزدىڭ مەملەكەتتەرىمىز اراسىندا ىنتىماقتاستىق بويىنشا ايتارلىقتاي تاجىريبە جيناقتالعانىن، ارىپتەستىكتى دامىتۋعا جاقسى جاعداي بار ەكەنىن اتاپ كورسەتتى.

ساۋلەبەك ءبىرجان.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار