ايماقتار • 07 تامىز، 2020

تۇرمىستىق زورلىق-زومبىلىق قۇربانى بولساڭىز نە ىستەۋ كەرەك؟

23 رەت كورسەتىلدى

ۇيدەگى زورلىق-زومبىلىق تاقىرىبىنا ارنالعان كەزەكتى تىكەلەي ەفير نۇر-سۇلتان اكىمدىگىنىڭ رەسمي سايتىنىڭ Instagram پاراقشاسىندا ءوتتى. وقىرماندار سۇراعىنا "قورعاۋ استانا" قورىنىڭ توراعاسى اننا رىل جاۋاپ بەردى.

"قورعاۋ استانا" قورى تۇرمىستىق زورلىق-زومبىلىقتان زارداپ شەككەن ايەلدەرگە كومەك كورسەتۋدە. بىزدە ارنايى قىزمەت بار – بۇل ايەل كەلىپ، پسيحولوگتىڭ، الەۋمەتتىك قىزمەتكەردىڭ، زاڭگەردىڭ كومەگىن تەگىن الا الاتىن كەڭەس بەرۋ ورتالىعى. ەگەر ايەلگە قاجەت بولسا، وندا بۇل ازىق-ت ۇلىك سەبەتى، كيىم نەمەسە باسقا دا زاتتار تۇرىندە كومەك بولادى. سونىمەن قاتار بىزدە داعدارىس ورتالىعى – باسپانا بار. باسپانادا ايەل بالامەن بىرگە، ەگەر ولار تىكەلەي قاۋىپ تونسە، التى ايعا دەيىن بولا الادى. قاجەت بولعان جاعدايدا ءاردايىم 102-گە قوڭىراۋ شالىپ، ەڭبەك جانە الەۋمەتتىك قورعاۋ باسقارماسىنا حابارلاسىڭىز. باسقارما ارقىلى داعدارىس ورتالىقتارى كومەك كورسەتە الادى"، – دەيدى قور باسشىسى.

"ەگەر ايەل اگرەسسورمەن ۇزاق ۋاقىت ءومىر سۇرسە، ونىڭ ءتوزىمى تاۋسىلعانىن تۇسىنەمىز. بىرىنشىدەن، بۇل تۋرالى مامانعا، تانىس ادامدارعا ايتۋ كەرەك. بىرەۋ وتباسىندا نە بولىپ جاتقانىن ءبىلۋى كەرەك. ەكىنشىدەن، ەگەر ايەل قازىر قانداي دا ءبىر جەكە سەبەپتەرمەن كەتۋدى جوسپارلاماسا، وندا ونىڭ دايىن جولدورباسى بولۋى كەرەك، ەگەر قاۋىپ تونسە، ونى الىپ، قاشىپ كەتە الادى. كوبىنە ەر ادام ءبىر رەت جاۋاپقا تارتىلعاننان كەيىن ءوز-ءوزىن ۇستاۋدى ۇيرەنە باستايدى. ياعني، ءوز پروبلەماڭىزدى ارنايى ورگاندارعا جەتكىزىڭىز. ءبىز ارقاشان ايتامىز، قۇجاتتاردى ۇيدە ساقتاماڭىز، كوشىرمەلەر جاساڭىز. بولۋى مۇمكىن قيىن جاعداي ءۇشىن اعىمداعى شوت پەن دەپوزيت اشىپ، وندا اقشا ۇنەمدەڭىز"، - دەپ تۇسىندىرەدى ا.رىل.

اگرەسسيانىڭ سەبەبى – ادامنىڭ دۇنيەتانىمى. بۇل ماسەلەنى قوعامدا جويۋ ءۇشىن ەرتە جاستان الدىن-الۋ قاجەت: بالالار وزدەرىنىڭ قۇقىقتارىن، باسقالاردىڭ قۇقىقتارى مەن مىندەتتەرىن ءتۇسىنۋى كەرەك. پسيحولوگتىڭ كومەگى وتباسىن ساقتاۋعا قانداي جاعدايلاردا كومەكتەسەتىنىن نۇر-سۇلتان قالاسى اكىمدىگىنىڭ رەسمي Instagram پاراقشاسىنداعى تىكەلەي ەفيردەن بىلۋگە بولادى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار