كامەلەتكە تولماعان بالالاردىڭ زاڭدى وكىلدەرى تۇنگى ۋاقىتتا ويىن-ساۋىق مەكەمەسىندە ەرەسەكتەردىڭ ەرىپ ءجۇرۋىنسىز جۇرگەنى ءۇشىن قر اقبتك-ءنىڭ 442-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلدى.
مەكەمە يەسى سونداي-اق قر اقبك 132-بابىنا سايكەس تۇنگى ۋاقىتتا كامەلەتكە تولماعاندارعا جول بەرگەنى ءۇشىن اكىمشىلىك جاۋاپكەرشىلىككە تارتىلادى جانە 10 اەك ( 27.780 تەڭگە) مولشەرىندە ايىپپۇل تولەيدى.
سونىمەن قاتار, كافەنىڭ يەسىنە قاتىستى كارانتيندى بۇزعانى ءۇشىن ماتەريالدار جينالىپ, ءىس جۇرگىزۋ شەشىمىن قابىلداۋ ءۇشىن تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا بەرىلدى.
وتكەن تاۋلىكتە پوليتسيا, ەپيدەميولوگ, ۆولونتەر جانە جەرگىلىكتى اتقارۋشى ورگانداردىڭ وكىلدەرى اراسىندا نۇر-سۇلتان قالاسىندا باس سانيتارلىق دارىگەردىڭ قاۋلىسىن ساقتاماۋ بويىنشا كارانتيندىك شارالاردىڭ 11 بۇزۋشىلىعى انىقتالدى, ونىڭ ىشىندە كوڭىل كوتەرەتىن ورىندار, ساۋنالار, دۇكەندەر, لوتو-كلۋب, كاليان-بار جانە اۆتوجۋ بار.
نۇر-سۇلتان قالاسىنىڭ پوليتسيا دەپارتامەنتى ازاماتتارعا كارانتيندىك شارالاردى بۇزعانى ءۇشىن جاۋاپكەرشىلىك تۋرالى ەسكەرتەدى جانە سانيتارلىق نورمالاردى ساقتاۋعا شاقىرادى.
