كوروناۆيرۋس • 06 تامىز، 2020

الماتى دارىگەرلەرى: قاراپايىم ەرەجەلەر قايعىدان ساقتايدى

52 رەت كورسەتىلدى

بۇل تۋرالى الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين-بريفينگتە پەريناتولوگيا جانە بالالار كارديوحيرۋرگياسى ورتالىعىنىڭ ديرەكتورى عاني بودىقوۆ مالىمدەدى.

"مامانداردى دايارلاۋ بويىنشا جۇمىس جۇرگىزىلۋدە. الماتى قالاسىنىڭ قوعامدىق دەنساۋلىق ساقتاۋ باسقارماسى ۇيعارىمىمەن قۇرىلعان جوعارى مەديتسينالىق كوللەدجىندە تاجىريبەلىك دەنساۋلىق ساقتاۋ ماماندارىنا ارنالعان ءبىلىم بەرەتىن "وقۋ-ادىستەمەلىك ورتالىق" جۇمىس ىستەيدى. قازىرگى ۋاقىتتا پروۆيزورلىق بولىمشەنىڭ 4 دارىگەرى وسى ورتالىقتا "جۇكتىلىك، بوسانۋ جانە كوروناۆيرۋستىق ينفەكتسيا" تاقىرىبىندا ونلاين رەجيمدە ءبىلىم الۋدا"، – دەدى پەريناتولوگيا جانە بالالار كارديوحيرۋرگياسى ورتالىعىنىڭ ديرەكتورى عاني جانديار ۇلى.

ورتالىقتىڭ ەپيدەميولوگيالىق قىزمەتى دارىگەرلەرگە، مەيىربيكەلەرگە جانە كىشى مەديتسينالىق پەرسونالعا كۆي دياگنوزىن قويۋ جانە ەمدەۋ، وقۋ-جاتتىعۋ كيىمدەرىن كيۋ جانە جەكە قۇرامعا ارنالعان وقىتۋ سەمينارلارىن ۇنەمى وتكىزىپ تۇرادى.

"پاندەميا مەن قاۋىپتىڭ جوعارىلاۋىنا قاراماستان، ورتالىق الماتى قالاسىنىڭ بارلىق ايماقتارىنداعى جۇكتى، بوسانعان ايەلدەرگە جانە بوسانۋ قاۋپى جوعارى ايەلدەرگە جوعارى بىلىكتى كومەك كورسەتۋدى جالعاستىرىپ جاتىر. كۇنىنە 30-50 ناۋقاس اۋرۋحاناعا جاتقىزىلادى، 30-45 ادام بوسانادى، ونىڭ 35% -ى جەدەل، كۇردەلى پاتولوگياسى بار نارەستەلەر ەمدەلەدى"، - دەدى ورتالىق ديرەكتورى عاني بودىقوۆ.

ايتا كەتەيىك، ورتالىقتىڭ نەگىزگى ماقساتى – انا مەن بالانىڭ دەنساۋلىعىن جاقسارتۋ ارقىلى سالاۋاتتى بولاشاق قۇرۋ. پەريناتولوگيا جانە بالالار كارديوحيرۋرگياسى ورتالىعىنىڭ قىزمەتكەرلەرى كەز-كەلگەن جاعدايدا ميسسياسىن ورىنداۋعا دايىن.

"قاراپايىم ەرەجەلەردى حالىققا ۇسىنعىم كەلەدى. ماسكانى كيىڭىز، ويتكەنى ونى كيۋ، ءسوزسىز، كوروناۆيرۋستىق ينفەكتسيانى جۇقتىرۋ قاۋپىن ازايتادى، قولىڭىزدى ءجيى جۋىڭىز، كوپ جينالاتىن جەرلەردەن اۋلاق بولىڭىز"، – دەيدى ورتالىق ديرەكتورى.

سوڭعى جاڭالىقتار

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار