وقيعا • 06 تامىز، 2020

ءوزىن ەر ادام دەپ تانىستىرىپ، زەينەتكەردى الداعان الاياق ۇستالدى

632 رەت كورسەتىلدى

پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە بىرقاتار الاياقتىق جاساعانى ءۇشىن نۇر-سۇلتان قالاسىنىڭ 30 جاستاعى تۇرعىنىن ۇستادى. بۇل تۋرالى نۇر-سۇلتان قالالىق پوليتسيا دەپارتامەنتىنە سىلتەمە جاساي وتىرىپ Egemen.kz حابارلايدى.

ايەل ادام ءوزىن ەر ادام رەتىندە تانىستىرا وتىرىپ، ءوتىپ بارا جاتقان ادامداردان قوڭىراۋ شالۋ ءۇشىن تەلەفون سۇراپ، وقيعا ورنىنان جاسىرىنعان. ول ءوزىنىڭ سىرتقى ۇقساستىعىن پايدالانعان. ول ۇرلانعان ۇيالى تەلەفونداردى كەزدەيسوق ادامدارعا نارىقتىق باعادان تومەن باعامەن ساتتى.

وسىلايشا، 25 شىلدەدە ساۋدا ءۇيىنىڭ جانىندا كۇدىكتى قارت ايەلگە كەلىپ، شۇعىل قوڭىراۋ شالۋ ءۇشىن تەلەفون سۇرادى. تەلەفوندى قولىنا العان قىز بەلگىسىز باعىتتا جاسىرىنىپ، ونى وزىمەن بىرگە الىپ كەتتى. زەينەتكەر ۇرلىقتان كەلگەن شىعىندى 30 مىڭ تەڭگە كولەمىندە باعالادى.

قازىرگى ۋاقىتتا كۇدىكتىگە قاتىستى قر قك-ءنىڭ 190-بابى بويىنشا 4 الاياقتىق فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە.

ۇستالعان ادام ۋاقىتشا ۇستاۋ يزولياتورىنا (ۋۇي) قامالدى، ونىڭ رەسپۋبليكا اۋماعىندا بۇرىن جاسالعان ۇقساس قىلمىستارعا قاتىستىلىعى تەكسەرىلەدى.

وسى ادامنىڭ قۇقىققا قارسى ارەكەتتەرىنەن زارداپ شەككەن ازاماتتاردى نۇر-سۇلتان قالاسىنىڭ پوليتسيا دەپارتامەنتىنە بەيبىتشىلىك،19 مەكەنجايى بويىنشا حابارلاسۋىڭىزدى نەمەسە تەلەفون ارقىلى حابارلاسۋىڭىزدى سۇرايمىز: 8 (7172) 71-61-51; 71-60-69، 8-702-500-97-29 نەمەسە "102".

سوڭعى جاڭالىقتار

ۇقساس جاڭالىقتار