ەلوردا • 06 تامىز، 2020

IQala قىزمەتتەرىن الۋدىڭ نۇسقاۋلىقتارى بار Telegram-بوت قۇرىلدى

14 رەت كورسەتىلدى

IQala قالالىق قىزمەتتەر ورتالىعىنىڭ ەتسق، ەلەكتروندىق شوت-فاكتۋرالار (ەشف) مەن ەرتس تۇبىرتەكتەرىن الۋ سياقتى ەڭ كوپ تالاپ ەتىلەتىن قىزمەتتەرى بويىنشا نۇسقاۋلىقتاردى ۇسىنۋ ءۇشىن "IQalakz" Telegram-بوتى قۇرىلدى. بۇل تۋرالى ەلوردا اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

بۇل ورتالىق "استانا-اەك" اق، "استانا-تەپلوترانزيت" اق، "استانا سۋ ارناسى" مكك، "Clean city NC" جشس، "SPK Astana Development" جشس، "استاناەنەرگوسبىت" جشس، "قازاقتەلەكوم" اق جانە ت.ب. ۇيىمداردىڭ 131 قالالىق قىزمەت ءتۇرىن ۇسىنادى. ەلوردا تۇرعىندارى www.iqala.kz پورتالى ارقىلى قىزمەتتەردى ونلاين رەجيمدە الا الادى.

ەستەرىڭىزگە سالا كەتەيىك، iQala قالالىق قىزمەت كورسەتۋ ورتالىعى جۇمىس كۇندەرى ساعات 09.00-دان 17.00-گە دەيىن نۇر-سۇلتان قالاسى، ر. قوشقارباەۆ داڭعىلى، 29 مەكەنجايى بويىنشا جۇمىس ىستەيدى. سونداي-اق ورتالىق وپەراتورلارى "استاناەنەرگوسبىت" جشس-نىڭ نۇر-سۇلتان قالاسى، سىعاناق كوشەسى، 25 جانە بوگەنباي باتىر داڭعىلى، 24/1 مەكەنجايىنداعى فرونت-كەڭسەلەردە قىزمەت كورسەتەدى.

سوڭعى جاڭالىقتار

ۇقساس جاڭالىقتار