ايماقتار • 06 تامىز، 2020

الماتىدا ايىپپۇلداردى ءوندىرۋ بويىنشا ارنايى شارا باستالدى

83 رەت كورسەتىلدى

الماتى وبلىسىندا جول ءجۇرۋ ەرەجەسىن بۇزعانى ءۇشىن سالىنعان ايىپپۇلداردى ءوندىرۋ بويىنشا ارنايى شارا باستالدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

الماتى وبلىسى اۋماعىندا اكىمشىلىك قۇقىق بۇزۋشىلىق تۋرالى ءىس بويىنشا قابىلدانعان قاۋلىنى ورىنداۋ ماقساتىندا "بورىشكەر" جەدەل-الدىن الۋ ءىس-شاراسى وتكىزىلۋدە. پروفيلاكتيكالىق ءىس-شارا اكىمشىلىك ايىپپۇلداردى تولەۋدەن جالتارعان بورىشكەرلەردى انىقتاۋعا، اكىمشىلىك ايىپپۇلداردى تولەۋگە، مەنشىك قۇقىعىنا تيەسىلى كولىك قۇرالدارىن ۇستاۋعا جانە اكىمشىلىك ايىپپۇلداردى ءوندىرىپ الۋعا باعىتتالعان.

– قازىر ساپتىق قىزمەتتەر مەن بولىمشەلەردىڭ جەكە قۇرامى سوت ورىنداۋشىلارىنىڭ قاتىسۋىمەن وسى ماقساتتاعى جۇمىسقا كىرىستى. ناقتى ناتيجەلەرگە قول جەتكىزۋ ءۇشىن قوسىمشا تەحنيكا پايدالانىلادى. ولار – "كريس-پ" فوتورادار كەشەنى، شتاتتىق ەۆاكۋاتورلار. قىزمەتكەرلەر كولىك قۇرالدارىن اۆتوماتتى باقىلاۋ جۇيەلەرىن جانە ەلەكتروندى پلانشەتتەردى پايدالانا وتىرىپ، شەكتەۋلەرى بار كولىك قۇرالدارىن انىقتايدى. ياعني تەحنيكالىق بايقاۋدان وتپەگەن كولىكتەر، ايىپپ ۇلى بار بورىشكەر جۇرگىزۋشى، جول ەرەجەسىن ساقتامايتىن جانە كولىك قۇرالىن باسقارۋ قۇقىعىنان ايىرىلعان جۇرگىزۋشىلەر بىردەن انىقتالادى. قولدانىستاعى الگوريتم بويىنشا ايىپپۇل تولەمەگەن جۇرگىزۋشىنىڭ كولىك قۇرالدارى تاركىلەنىپ، مامانداندىرىلعان ايىپپۇل تۇراعىنا توعىتىلادى. بۇل كولىك قۇرالدارىن كەرى الۋ ءۇشىن ايىپپ ۇلى بار تۇلعا ايىپپۇلدار تۋرالى قاۋلى تالاپتارىن تولىق ورىنداعان سوڭ عانا كولىگىن شىعارا الادى. جول-پاترۋلدىك پوليتسيا ساپتىق بولىنىستەرىنىڭ بارلىق قىزمەتكەرلەرىنە قوسىمشا نۇسقاۋ بەرىلگەن جانە ولاردىڭ قولىندا بورىشكەرلەردىڭ ءتىزىمى بار، – دەپ تۇيىندەدى الماتى وبلىسى پد اكىمشىلىك پوليتسيا باسقارماسى باستىعىنىڭ ورىنباسارى نۇرجان تاڭاتاروۆ.

سونىمەن قاتار، ءتارتىپ ساقشىلارى اۋلالاردى دا ارالايدى. ارالاۋ بارىسىندا جەكە سوت ورىنداۋشىلارى تاراپىنان كولىك قۇرالدارىنىڭ يەلەرىنە قاتىستى شەكتەۋ قويىلعانى تۋرالى حابارلانادى.

سوڭعى جاڭالىقتار

اسىل اعانىڭ شاراپاتى

رۋحانيات • بۇگىن، 00:08

قۇيماقۇلاق

رۋحانيات • كەشە

گاز باعاسى نەگە قىمبات؟

ايماقتار • كەشە

ۇقساس جاڭالىقتار