وسىلايشا تۇماندى البيون جۇرتىندا اۋرۋ جۇقتىرعاندار 307 184 جاندى قۇراعان. ىندەت بىرىككەن كورولدىكتىڭ 46 364 ازاماتىنىڭ ءومىرىن جالماپ, پاندەميا كەزىندە 17 210 335 ۆيرۋسقا تەست تاپسىرىلىپتى.
وتكەندە ۇكىمەت باسشىسى بوريس دجونسون اۋرۋ ەتەك جايماس ءۇشىن شەكتەۋدىڭ ءازىر الىنبايتىنىنا قىنجىلىس بىلدىرگەن-ءتىن. شىنىندا دا COVID-19-دىڭ قانداي الپاۋىت ەلدىڭ ەكونميكاسىنا تەرىس ىقپالىن تيگىزىپ تۇرعانى انىق.
بۇل ەلدە دە وسى ۆيرۋس سالقىنىنان تۇرعىن ءۇي سالۋ قارقىنى باياۋلاعان كورىنەدى. سالا ءمينيسترى روبەرت دجەنەريك ونىڭ تومەندەۋى 30-40 پايىزعا دەيىن ءتۇسۋ مۇمكىندىگىن بولجاعان. الايدا دەگەن ول, بارلىعى ەكونوميكانىڭ پاندەميادان سوڭ قالىپىنا كەلۋ جىلدامدىعىنا تىكەلەي تاۋەلدى, ەل تەزىرەك ىندەتتى ەڭسەرىپ كەتسە وڭ وزگەرىس تۋادى. دەگەنمەن كەلەر جىل دا سالا ءۇشىن كۇردەلى بولتىنداي, دەگەن ويىن ايتقان.
