ايماقتار • 06 تامىز، 2020

الماتى وبلىسىندا بىردەن ءۇش قازاندىق گازعا اۋىستىرىلادى

38 رەت كورسەتىلدى

الماتى وبلىسىندا بىردەن ءۇش قازاندىق گازعا اۋىستىرىلادى. سونىڭ ارقاسىندا ەكسپلۋاتاتسيالىق شىعىندار ەداۋىر ازايىپ، ءوڭىردىڭ ەكولوگيالىق جاعدايىنىڭ جاقسارۋىنا وڭ ىقپال ەتەدى. بۇل تۋرالى وبلىستىق ەنەرگەتيكا جانە تۇكش باسقارماسىنىڭ باسشىسى باعلان تانەكەنوۆ ايتتى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

بەلگىلى بولعانداي، جىلىتۋ ماۋسىمى باستالعانعا دەيىن، بيىلعى جىلدىڭ قىركۇيەگىندە وبلىستاعى ءۇش قازاندىقتى گاز جۇيەسىنە كوشىرۋ جوسپارلانىپ وتىر. ولاردىڭ ەكەۋى تالدىقورعاندا، بىرەۋى قاپشاعايدا. بۇل ماقساتقا 2،6 ملرد تەڭگە بولىنگەن، ونىڭ ىشىندە "جۇمىسپەن قامتۋ جول كارتاسى" باعدارلاماسى اياسىندا بولىنگەن 1،5 ملرد تەڭگە دە بار. ء سويتىپ ءۇش ماڭىزدى جوبانىڭ ەكەۋى "ججق" ارقىلى جۇزەگە اسىرىلماق.

بۇدان بولەك بالپىق بي اۋىلىنداعى ورتالىق قازاندىق كەڭەيتىلىپ، وعان اعىمداعى جوندەۋ جۇرگىزىلەدى. وعان "اۋىل – ەل بەسىگى" باعدارلاماسى ارقىلى 256،5 ملن تەڭگە قاراستىرىلعان. سول سياقتى قارابۇلاق كەنتى مەن سارقان قالاسىنا "جۇمىسپەن قامتۋ جول كارتاسى" باعدارلاماسى شەڭبەرىندە 108،4 ملن تەڭگە بولىنگەن. جالپى قارالعان قارجى  365 ملن تەڭگەنى قۇرايدى.

بارلىق نىسانداردا جۇمىستار بەكىتىلگەن كەستەگە سايكەس ءجۇرىپ جاتىر. الداعى جىلىتۋ ماۋسىمىنا دايىندىق جۇمىستارىنىڭ ءتيىستى دەڭگەيدە ءوتۋى وبلىس باسشىلىعىنىڭ باقىلاۋىندا.

ەسكە سالساق، الماتى وبلىسىندا جالپى الداعى جىلىتۋ ماۋسىمىنا دايىندىق ءۇشىن جەرگىلىكتى بيۋدجەتتەن 9،9 ميلليارد تەڭگە ءبولىندى. تۇرعىنداردى جىلۋمەن ۇزدىكسىز قامتاماسىز ەتۋ ءۇشىن 35 ورتالىق قازاندىققا، 64،3 كم جىلۋ تراسساسىنا، 13،4 ەلەكتر جەلىلەرىنە جانە ءۇش مىڭنان استام ترانسفورماتورعا جوندەۋ جاسالۋدا.

 

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار