دەنساۋلىق ساقتاۋ باسقارماسىنىڭ باسشىسى ومىرزاق نيازبەكوۆتىڭ ايتۋىنشا, ەلدە جاريالانعان كارانتين وبلىستاعى ەپيداحۋالدىڭ جاقسارۋىنا وڭ اسەرىن تيگىزدى.
"وبلىستا COVID-19 ينفەكتسياسىمەن كۇرەسكە مەديتسينالىق ۇيىمداردا قوسىمشا پروۆيزورلىق ورىندار اشىلعان بولاتىن. بۇگىنگى كۇنى پروۆيزورلىق ورىنداردىڭ 40 پايىزى عانا جۇمىس جاساپ تۇر. مەديتسينالىق مەكەمەلەر 4 تامىزدان باستاپ قالىپتى جاعدايداعى جۇمىستارىن باستادى. ياعني, ناۋقاستار جوسپارلى تۇردە ەم قابىلداۋىنا بولادى. سونىمەن قاتار وبلىستا قۇرىلعان 391 ءموبيلدى توپ ۇيدە ەم شارالارىن تاعايىنداۋ ارقىلى ناۋقاستار سانىنىڭ ازايۋىنا ۇلكەن سەپتىگىن تيگىزدى", - دەدى دەنساۋلىق ساقتاۋ باسقارماسىنىڭ باسشىسى ومىرزاق نيازبەكوۆ.
سونىمەن قاتار باسقارما باسشىسى وبلىستاعى بارلىق مەديتسينالىق مەكەمەلەر ۆيرۋسقا قاجەتتى ءدارى-دارمەكپەن قامتاماسىز ەتىلگەنىن اتاپ ءوتتى.
