قوعام • 05 تامىز، 2020

الماتىدا جوعالىپ كەتكەن ءجاسوسپىرىم تابىلدى

675 رەت كورسەتىلدى

الماتى وبلىسىنىڭ پوليتسەيلەرى جيىرما كۇن بۇرىن حابار-وشارسىز كەتكەن 16 جاستاعى ءجاسوسپىرىمدى ىزدەستىرىپ تاپتى. بۇل تۋرالى Polisia.kz حابارلايدى، دەپ جازادى Egemen.kz

ءىز-ءتۇسسىز جوعالعان بالانىڭ اناسى ۇلىنىڭ حابارسىز كەتكەنى تۋرالى حابارلامانى پوليتسياعا ۇلى ۇيدەن كەتكەن كۇننەن ەكى اپتادان كەيىن عانا بەرگەن. تالدىقورعان قالاسىنىڭ تۇرعىنى 16 جاستاعى دارحان جاقىندارىمەن سوزگە كەلىپ، 18 شىلدە كۇنى ۇيىنەن كەتىپ قالعان. اناسى وسى ۋاقىتقا دەيىن بالاسىن ءوز كۇشىمەن تاۋىپ الۋعا تىرىسقانىمەن، بايلانىسقا مۇلدەم شىقپاعان ۇلىن تابا الماعان. كوپ ۋاقىت حابار الماعان سوڭ كوڭىلىنە كۇدىك ۇيالاپ، پوليتسيا قىزمەتىنە جۇگىنگەن. ايەلدىڭ ايتۋىنشا، ول سوڭعى رەت ۇلىن ۇيدە كورگەندە جامان ويعا يتەرمەلەيتىن بەلگىلەر بولماعان. 

– اقپارات العاننان كەيىن جاقىن اۋماقتى پاترۋلدىك پوليتسيا جاساقتارى مەن جەدەل-تەرگەۋ توبى ارالادى. باعدار جاسالىپ، بالاعا ىزدەۋ جاريالاندى. توعىزىنشى سىنىپ وقۋشىسى قۇرىلىس الاڭدارىنىڭ بىرىنەن تابىلدى. ونىڭ قۇرىلىس جۇمىستارىنا تابىس تابۋ ماقساتىندا كەلگەنى بەلگىلى بولدى. دەگەنمەن، ول تۋىستارىنا حابار بەرۋدى قاجەت دەپ ساناماعان. ونىڭ ايتۋىنشا، ول ۇيىنە قوڭىراۋ شالعىسى كەلگەن، الايدا سول ساتتە ۇيالى تەلەفونىنىڭ قۋاتى تاۋسىلىپ قالعان، – دەدى تالدىقورعان قالالىق پوليتسيا باسقارماسىنىڭ باستىعى اسقار نۇرساپا.

پوليتسيا وقيعانىڭ ء"ساتتى" اياقتالعانىن جانە ءجاسوسپىرىمنىڭ جاۋاپسىز ارەكەتتەرىنىڭ سوڭى قايعىلى جاعدايعا اينالۋى مۇمكىن ەكەنىن اتاپ ءوتتى.

– وكىنىشكە قاراي، بالالاردىڭ ۇيدەن ءوز بەتىمەن كەتىپ، قۇقىق بۇزۋشىلىق جاساۋ دەرەكتەرى ءجيى كەزدەسەدى. بالانىڭ جەكە تۇلعالىق دامۋىندا جانە ونىڭ قوعامداعى لايىقتى مىنەز-ق ۇلىق قاسيەتتەرىن، جاعىمدى ادەتتەرىن قالىپتاستىرۋدا وتباسى ۇلكەن ءرول اتقاراتىنى بارشاعا انىق. ەشقانداي الدىن-الۋ جۇمىستارى بۇل ينستيتۋتتىڭ بەرەتىنىن الماستىرا المايدى. ونىڭ سالماقتى ءارى ماڭىزدى ۇستانىمى مىڭداعان جىلدار بويى قالىپتاسقان. يۋۆەنالدى پوليتسيا قىزمەتكەرلەرى ۇنەمى بالالار مەن اتا-انالارعا قوعامدىق ورىنداردا، وتباسىندا قاۋىپسىز ءجۇرىس-تۇرىس ەرەجەلەرى بويىنشا قۇندى ۇسىنىستار بەرەدى. وسى ۇسىنىستاردى بارلىعىنىڭ نازارعا العانىن قالايمىن، – دەپ تولىقتىردى اسقار نۇرساپا.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار