ەلوردا • 05 تامىز، 2020

ەلوردادا كارانتين كەزىندە ويىن-ساۋىق ورىندارى جۇمىس ىستەگەنى انىقتالدى

27 رەت كورسەتىلدى

ەلوردانىڭ ويىن-ساۋىق ورىندارىندا بىرقاتار كارانتين رەجىمىن بۇزۋشىلىقتار انىقتالدى. بۇل تۋرالى ەلوردا اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى. 

بۇزۋشىلار جالپى سوماسى 27 377 790 تەڭگە اكىمشىلىك جاۋاپكەرشىلىككە تارتىلدى. 5 تامىزعا قاراعان ءتۇنى مونيتورينگ توبى پوليتسيا قىزمەتكەرلەرىمەن جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىمەن (تقسقبب) بىرلەسكەن كەزەكتى رەيد كەزىندە كاسىپكەرلىك سۋبەكتىلەرى تاراپىنان كارانتين رەجيمىنىڭ بىرقاتار بۇزۋشىلىقتارىن انىقتادى.

"بۇگىنگى مونيتورينگ بارىسىندا قوعامدىق تاماقتانۋ، ساۋدا جانە قىزمەت كورسەتۋ نىساندارىندا بىرقاتار زاڭ بۇزۋشىلىقتار انىقتالدى: جۇمىس كەستەسىن، جۇمىسشىلار مەن كەلۋشىلەردىڭ ماسكا تاعۋ ءتارتىبىن، الەۋمەتتىك قاشىقتىق ساقتاماۋ"،  دەپ حابارلادى ەسىل اۋداندىق تاۋارلار مەن قىزمەتتەردىڭ ساپاسىن مەن قاۋىپسىزدىگىن باقىلاۋ باسقارماسىنىڭ باسشىسى ارمان قۇربانوۆ.

"مونيتورينگ توبى ارالاۋ كەزىندە ەسىل اۋدانىندا" Pei Zdes' 31" لاۋندج-بارىندا (جك "ORIENT-S") قىزمەتكەرلەر مەن قوناقتار الەۋمەتتىك قاشىقتىق ساقتاماي، كارانتين رەجىمىن، ماسكا تاعۋ ءتارتىبىن بۇزعانىن انىقتادى. اتالعان نىساننىڭ باسشىلارىمەن جانە اكىمشىلىگىمەن تۇسىندىرمە جۇرگىزىلىپ، اكىمشىلىك حاتتامانى رەسىمدەۋ ءۇشىن ماتەريالداردى تاپسىرۋ تۋرالى حاتتاما جاسالدى"، دەدى نۇر-سۇلتان اكىمدىگىنىڭ ازاماتتىق قورعانىس ورتالىعىنىڭ باس مامانى اسەت ابىلعازيەۆ.

سونىمەن قاتار سارىارقا اۋدانىندا رەيد كەزىندە ءموبيلدى توپ "نيرۆانا" جانە "ۋگول 4/1" كلۋبتارىنداعى كارانتين رەجىمىن بۇزۋشىلىقتاردى انىقتادى.

4 تامىزداعى جاعداي بويىنشا، نۇر-سۇلتان تقسقبب اۋداندىق باسقارمالارىنا اۋداندىق پوليتسيا باسقارمالارىنان كارانتيندى بۇزعاندار تۋرالى 544 ماتەريال كەلىپ ءتۇستى. ولار بويىنشا 124 جەكە جانە كاسىپكەرلىك سۋبەكتىلەرى جالپى سوماسى 27 377 790 تەڭگە اكىمشىلىك جاۋاپكەرشىلىككە تارتىلدى. قر اقبتك 811-بابىنا سايكەس، كارانتيندى بۇزعان ادامدار كىناسىن مويىنداعاندىقتان، اكىمشىلىك ايىپپۇلدار قىسقارتىلعان تۇردە قولدانىلدى. بۇگىنگى كۇنى جالپى سوماسى 15 542 910 تەڭگەنى قۇرايتىن 63 اكىمشىلىك ايىپپۇل تولەندى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار