مەديتسينا • 04 تامىز، 2020

"اقتوبە – ادالدىق الاڭى" وتتەگى كونتسەنتراتورلارىن سىيعا تارتتى

54 رەت كورسەتىلدى

"اقتوبە – ادالدىق الاڭى" اۋداندىق اۋرۋحانالارعا وتتەگى كونتسەنتراتورلارىن سىيعا تارتتى

بۇگىن "اقتوبە – ادالدىق الاڭى" جوبالىق كەڭسەسىنىڭ ۇيىمداستىرۋىمەن بايعانين جانە شالقار اۋداندارىنىڭ اۋرۋحانالارىنا "Armed" وتتەگى كونتسەنتراتى اپپاراتتارى تابىستالدى، دەپ حابارلايدى          

قايىرىمدىلىق شاراعا اقتوبە وبلىسى اكىمىنىڭ ورىنباسارى، جوبالىق كەڭسەنىڭ كۋراتورى ق.بەكەنوۆ، جەمقورلىققا قارسى دەپارتامەنت باسشىسى م.مۇحامبەتوۆ، ادالدىق الاڭى جوبالىق كەڭسەسىنىڭ باسشىسى ج.تۇرتاەۆ، سىبايلاس جەمقورلىققا قارسى دەپارتامەنت جاڭىنان قۇرالعان اقپاراتتىق – اعارتۋشىلىق شتاب مۇشەسى ر.وتىنشين جانە وبلىستىق دەنساۋلىق ساقتاۋ باسقارماسىنىڭ باسشىسى س.دانياروۆ قاتىستى.

وبلىستىق دەنساۋلىق ساقتاۋ باسقارماسىنىڭ ۇسىنىسىمەن بەرىلگەن ەكى اۋداندىق اۋرۋحانالارعا تابىستالعان اپپاراتتار "اقتوبە – ادالدىق الاڭى" جوبالىق كەڭسەسىنىڭ ۆولونتەرلارى جانە قوعام بەلسەندىلەرىنىڭ قاراجاتىنا الىندى. اپپاراتتاردىڭ جالپى سومماسى 3 ملن-عا جۋىق تەڭگەنى قۇرادى.

شارا بارىسىندا وبلىس اكىمىنىڭ ءبىرىنشى ورىنباسارى، ادالدىق الاڭى جوبالىق كەڭسەسىنىڭ كۋراتورى قايرات بەكەنوۆ جانە كەڭسە باسشىسى جانبولات تۇرتاەۆ وبلىستىق دەنساۋلىق ساقتاۋ باسقارماسىنا الىنعان اپپاراتتاردى تابىستاپ، قازىرگى تاڭدا ادامداردىڭ دەنساۋلىعىن ساقتاۋ جولىندا تىڭباي ەڭبەك ەتىپ جۇرگەن اق حالاتتى ابزال جانداردىڭ جۇمىسىنا ساتتىلىك تىلەدى. ءوز كەزەگىندە، جەمقورلىققا قارسى دەپارتامەنت باسشىسى ميرلان مۇحامبەتوۆ جانە دەنساۋلىق ساقتاۋ باسقارماسىنىڭ باسشىسى سامات دانياروۆ ۇيىمداستىرۋشىلارعا العىستارىن ءبىلدىردى.

جالپى وسىعان دەيىن ادالدىق الاڭىنىن ۆولونتەرلارى كوروناۆيرۋس ينفەكتسياسىمەن كۇرەس جۇرگىزۋ بارىسىندا بەلسەندىلىك تانىتىپ،توتەنشە جاعداي كەزىندە قالادان شىعا بەرىستە ورنالاستىرىلعان بلوك بەكەتتەردىڭ قىزمەتكەرلەرىنە كومەكتەسىپ، سونىمەن قاتار، قالامىزداعى مۇقتاج وتباسىلارعا كومەك قولىن سوزعان بولاتىن.

قازىرگى تاڭدا، ەلىمىزدەگى ءتىلسىز جاۋمەن كۇرەسۋدە، قاۋىپتى ىندەتتىڭ الدىن الۋ ماقساتىندا جوبالىق كەڭسەنىڭ ۇيىمداستىرۋىمەن جۇيەلى جۇمىستار اتقارىلۋدا.

سوڭعى جاڭالىقتار

ۇقساس جاڭالىقتار