ايماقتار • 04 تامىز، 2020

الماتى وبلىسىنىڭ تۇرعىنى ەسىرتكى ساۋدالاعانى انىقتالدى

28 رەت كورسەتىلدى

ەسىرتكى بيزنەسىمەن كۇرەسۋشىلەردىڭ نازارى قاپشاعاي قالاسىنىڭ 33 جاستاعى تۇرعىنىنا ءتۇستى، – دەپ حابارلايدى Polisia.kz.

– قولدا بار جەدەل اقپاراتقا سايكەس، فيگۋرانتىمىز ەسىرتكى زاتىن ساتۋمەن اينالىسقان، بىراق ءوزى قولدانباعان. ونىڭ قىلمىستىق ارەكەتى جەدەل جانە ارنايى ءىس-شارالار بارىسىندا رەسمي تۇردە تىركەلىپ، كۇدىكتى ۇستالدى. ول گاشيشتى باسقا تۇتىنۋشىعا ساتۋعا تىرىسقان. الايدا ونىڭ بۇل جوسپارلارىن پوليتسەيلەر بۇزدى، – دەيدى الماتى وبلىسى پد ەسىرتكى بيزنەسىنە قارسى ءىس-قيمىل باسقارماسىنىڭ باستىعى قازبەك مۇحامەدوۆ.

سوت ساراپتاماسىنىڭ زەرتتەۋىنە سايكەس الىنعان ەسىرتكى زاتىنىڭ جالپى سالماعى 321 گرامنان اسقان. ا. ەسىمدى ازاماتشا ۋاقىتشا ۇستاۋ وقشاۋلاعىشىنا قاماققا الىندى. اتالعان دەرەك بويىنشا قر قك 297-بابى 1-بولىگى نەگىزىندە سوتقا دەيىنگى تەرگەۋ امالدارى جۇرگىزىلۋدە. تەرگەۋشىلەر بۇل دەرەكتى تەرگەۋگە كىرىسىپ كەتتى، ال پوليتسيانىڭ جەدەل بولىمشەلەرىنىڭ وكىلدەرى ەسىرتكىنى ءىرى مولشەردە ساقتاۋدىڭ شىنايى ءموتيۆى مەن ونىڭ جەتكىزۋ ارناسىن انىقتاۋدا.

– ول ۇستالعان ساتتە، ءوز ءىسىن مويىنداعىسى كەلمەدى. الايدا، جاۋاپ الۋ كەزىندە ول ەسىرتكى زاتىن د. ەسىمدى ازاماتقا ساتقىسى كەلگەنىن مويىندادى، – دەپ تولىقتىردى قازبەك مۇحامەدوۆ.

ءبىرشاما ۋاقىتتان كەيىن تالدىقورعان قالاسىندا پوليتسيا قىزمەتكەرلەرى ءبىر جارىم كيلوگرامعا جۋىق گاشيشتى ساتۋدالاۋدىڭ تاعى ءبىر دەرەگىنىڭ جولىن كەستى. گاشيش بريكەتتەرى بار پوليەتيلەن پاكەتتى جەدەل ۋاكىلدەر ديۆاننىڭ استىنان تاركىلەدى. فيگۋرانتتىڭ ەسىرتكى زاتتارىن قانداي ماقساتتا ساقتاعانىن تەرگەۋ انىقتايتىن بولادى.

قازىرگى ۋاقىتتا پوليتسەيلەر الماتى وبلىسىنا ەسىرتكى جەتكىزۋ ارنالارىن انىقتاۋ بويىنشا جەدەل-ىزدەستىرۋ ءىس-شارالارىنىڭ كەشەنىن جۇرگىزۋدە. ۇستالعان ەكى ازاماتقا قاتىستى اۋداندىق پوليتسيا باسقارمالارىندا قر قك 297-بابىنىڭ 1-بولىگى "اسا ءىرى مولشەردە ەسىرتكى زاتتارىن زاڭسىز ساقتاۋ جانە وتكىزۋ"، سونداي-اق 296-بابىنىڭ 4-بولىگى "ەسىرتكى زاتتارىن وتكىزۋ ماقساتىنسىز ساقتاۋ” بويىنشا قىلمىستىق ىستەر قوزعالدى. ۇستالعانداردىڭ بارلىعى ۋاقىتشا ۇستاۋ وقشاۋلاعىشىنا قاماققا الىندى. تەرگەۋ امالدارى جۇرگىزىلۋدە.

سوڭعى جاڭالىقتار

ۇقساس جاڭالىقتار