تۋريزم • 04 تامىز، 2020

الاكول جاعالاۋىندا قاۋىپسىزدىك پەن كارانتين تالاپتارى قاتاڭ ساقتالۋدا

25 رەت كورسەتىلدى

الماتى وبلىسىنىڭ ءتارتىپ ساقشىلارى وبلىستاعى الاكول جاعالاۋىندا قىلمىستار مەن قۇقىق بۇزۋشىلىقتاردىڭ الدىن الۋ، تۇرعىندار مەن دەمالۋشىلاردىڭ قاۋىپسىزدىگى مەن تىنىشتىعىن قامتاماسىز ەتۋ بويىنشا ءتيىستى شارالاردى اتقارادى. بۇل تۋرالى Polisia.kz حابارلايدى، دەپ جازادى Egemen.kz

ستاتيستيكالىق مالىمەتتەرگە سۇيەنسەك، الاكول كولىنىڭ الماتى وبلىسى اۋماعىنداعى جاعالاۋىندا بيىل 150 جۋىق دەمالىس ورنى قىزمەت كورسەتىپ، 380 000 ادامعا قىزمەت كورسەتكەن.

– جاھانعا جايىلعان ىندەتتىڭ سالدارىنان بيىل كولگە كەلەتىن شەتەلدىكتەردىڭ سانى ازايعان، دەگەنمەن وتاندىق تۋريزم ءبىر قادام العا باستى. كول جاعاسىنداعى ىرعايتى اۋىلدىق وكرۋگىنە قاراستى اقشي اۋىلىندا بيىل ءبىر عانا قىلمىس تىركەلگەن. ۋچاسكەلىك پوليتسيا ينسپەكتورلارى وزگەنىڭ مۇلكىن قولدى قىلعان كۇدىكتىنى ساناۋلى ساعاتتا انىقتاپ، قىلمىستىڭ ء"ىزىن سۋىتپاي" اشقان، – دەپ ايتىپ ءوتتى الماتى وبلىسى الاكول اپب باستىعى قۋات وسپانوۆ.

نەگىزگى ماقستات – ۋچاسكەدە قۇقىق بۇزۋشىلىقتىڭ الدىن الۋ جانە قاۋىپسىزدىكتى قامتاماسىز ەتۋ. جاعاجايداعى كريمينوگەندىك جاعداي باقىلاۋعا الىنعان. بيىل 30 جۋىق اكىمشىلىك حاتتاما تولتىرىلىپ، ايىپپۇل سالىندى. كۇندەلىكتى اۋماقتى شولۋ مەن ءتيىستى ورگان وكىلدەرىنىڭ قاتىسۋىمەن رەيدتەر ۇيىمداستىرۋ ءوز ناتيجەسىن بەرۋدە. كوروناۆيرۋس ىندەتىنىڭ الدىن الۋ ماقساتىندا دەمالىس ورىندارى مەن دەمالۋشىلاردىڭ كارانتين تالاپتارىن قاتاڭ ساقتاۋى دا باقىلاۋعا الىنعان.

– كولدە دەمالۋشىلارعا قاۋىپسىزدىك شارالارىن ۇمىتپاۋ قاجەتتىلىگى ۇنەمى ەسكەرتىلەدى. جاقىندا قۇتقارۋشىلار توبىمەن كەزەكتى ارالاۋ بارىسىندا التى جاسار بالانىڭ جاعاجايدان الىسقا كەتىپ، باتىپ بارا جاتقانىن دەر كەزىندە بايقادىق. شۇعىل جەتىپ، بالانى امان-ەسەن اتا-اناسىنا تاپسىردىق. ۇلكەندەرگە بۇلدىرشىندەردى كوزدەن تاسا قىلماۋ قاجەتتىلىگى ەسكەرتىلدى، – دەدى وسپانوۆ.

سوڭعى جاڭالىقتار

ۇقساس جاڭالىقتار