قوعام • 04 تامىز، 2020

وقىرماندار ونلاين وليمپياداعا وي قوستى

24 رەت كورسەتىلدى

جۋىردا باس باسىلىمدا «ونلاين وليمپيادالار ويدى جەتىل­دىرەدى» («EQ»، 21 شىلدە، 2020 جىل، №138) اتتى ماقالا جارىق كورگەن ەدى. مەكتەپ قابىرعاسىندا قاتىسۋعا مىندەتتەلەتىن پاندىك وليمپيادالار كوبىنەسە قاتىسۋشىلاردىڭ پىكىرىن ەسكەرە بەر­مەيدى. بۇل بۇگىنگە دەيىن كۇرمەۋى شەشىلمەي كەلە جاتقان ءتۇيىن. وسى ماسە­لەگە بەيجاي قاراماعان وقىرمانداردىڭ پىكىرى سان الۋان.

 

ماسەلەن، اتالعان وليمپيا­دا­لارعا قاتىسۋشىلاردىڭ دا ويلارىن ورتاعا سالعاندا، ۇيىم­داس­تىرۋ­شىلار تۇتى­نۋ­شىلاردىڭ تىلەگىن قان­شالىقتى ەسكەرەتىنىن، قاتى­سۋ­شى­لاردىڭ تالابىن قان­شالىقتى ورىنداي­تىنىن جەت­كىزدى. وسى رەت­تە، اقتوبەلىك بال­دىرعان تا­بىل­­دي­نا ەسىمدى جاس مامان قاتى­سۋشى رە­تىندە ونلاين وليم­پيادالاردىڭ مۇ­عا­لىم­­نىڭ تەوريالىق ءبىلىمىن شىڭ­داپ، كاسىبي شەبەرلىگى دامىتاتىنا سەنىم ءبىلدىردى. ال تال­دىقورعاندىق №14 ورتا مەك­تەپ-گيمنازياسىنىڭ قازاق ءتىلى مەن ادەبيەتى ءپانى مۇعالىمى گۇل­­­جان تۇراربەكقىزى وليمپيادا وقۋشىلاردىڭ، اسىرەسە گرامماتيكانى تىڭعىلىقتى ۇيرەنۋىنە سەپتىگىن تيگىزەتىنىن جەتكىزدى.

– جاڭا باعدارلاما بويىنشا گرامماتيكا تەرەڭدەتىلىپ وقىتىلمايدى. الايدا وسى ول­قىلىقتىڭ ورنىن وليمپيادا كەزىندە تولتىرىپ وتىرادى. سون­دىقتان بۇل وليمپيادانىڭ پاي­داسى مول دەپ ويلايمىن. مىسالى جەرگىلىكتى بايقاۋ­لارداعىداي تانىس-تامىرلىققا جول بەرىل­مەيدى. قو­عامداعى «جەمقورلىق» دەرتىنە توسقاۋىل بولاتىن ءتاسىل دەپ ويلايمىن. وقۋشى، نە مۇعا­لىم بولسىن ءوزىنىڭ جارناسىن تو­لەپ، تاپسىرما مەن شارتتارىن ورىن­دايدى. ودان كەيىن ونىڭ ءبىلىمى شىنايى تۇردە شىعادى. سول سەبەپتى، بۇل ونلاين وليمپيا­دالار قوعامداعى شىنايىلىقتى ورناتۋعا كوپ پايدا بەرەدى، – دەيدى تاجىريبەلى ۇستاز.

بۇل ورايدا ساراپشىلاردىڭ دا پىكىرى بار. پاندەميا جاع­دايىن­دا قاشىقتان ءبىلىم الۋدى زاڭداستىرۋ كۇن تارتىبىن­دەگى وزەك­تى ماسەلەلەردىڭ بىرىنە اينال­دى. ەلدى جىلدام ينتەرنەتپەن قام­تۋمەن قاتار، ساپالى ءبىلىم قىزمەتىن ۇسى­ناتىن ۆيرتۋالدى نارىق قالىپتاستى. مۇنى ساياسي عىلىم­دار دوكتورى، پروفەسسور گۇلميرا سۇلتان­باەۆا دا قوشتاپ وتىر.

– ونلاين وليمپيادالاردىڭ ەرەكشەلىگى – ورتا مەكتەپ­تەردىڭ وقۋ­­شىلارىنا، ۇستازدارىنا ار­نال­عان تەستىلەر جۇيە­سىنىڭ قول­جەتىمدى بولۋى. مەكتەپ جاسىنا دەيىنگى ءبىلىم، تار­بيە ورىن­دا­رىنىڭ تاربيەشىسى، ادىسكەرلەرى دە وسى الاڭدا ءوز بىلىمدەرىن جە­تىل­­دىرۋ، بىلىكتىلىكتەرىن ارت­تى­رۋ­عا مۇم­كىندىك الىپ وتىر. مۇن­داي الاڭداردى مەملەكەت تاراپىنا قولداۋ تسيفرلى قا­زاق­­ستاننىڭ ورنىعۋىنا جانە ادام كاپيتالى دامۋىنا دا ۇل­­كەن سەرپىن بولماق، – دەيدى ساراپ­­شى.

زامان اعىمىنا ساي قاشىقتان وقىتۋدان قاشىپ قۇتىلا المايتىنىمىز انىق. ءبىلىم جۇيەسى بىرىزدىلىككە ءتۇسۋ ءۇشىن وزگە ەل­دىڭ تاجىريبەسىنە يەك ارتۋدىڭ ەش ابەستىگى جوق. قازىر قوعام عا­لام­توردىڭ قۇرساۋىندا، ءبارى ونلاينعا كوشتى. وقۋشىنىڭ ۇيدە وتىرىپ-اق قابىلەتىن ارت­تىرۋعا وراسان مۇمكىندىك بار. بۇگىندە عالامتورعا ويىن ىزدەپ ەمەس، وي كوزدەپ كىرۋگە بولادى. سون­دىقتان وتاندىق ونلاين وليمپيادالاردى جەتىلدىرۋگە ءتيىسپىز. سون­دا عانا بارشامىز بايەك بولعان ءبىلىم سالاسىنىڭ جۇمىسى جەڭىلدەيدى. بۇل قاجەت­تىلىك كاران­تين كەزىڭدە كورىنىس بەردى. تەك ءاتۇستى قاراماي، ماسە­لەگە دەندەپ ەنە ءبىلۋىمىز شارت.

 

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار