كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. بريفينگتىڭ بۇل جولعى تاقىرىبى مەملەكەت باسشىسىنىڭ ۇستىمىزدەگى جىلدىڭ 11 قازانىندا ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋ بارىسىنا ارنالدى. باسقوسۋدىڭ بۇل جولعى قوناعى كولىك جانە كوممۋنيكاتسيا ءمينيسترى اسقار جۇماعاليەۆ بولدى.
كەشە پرەزيدەنت جانىنداعى ورتالىق كوممۋنيكاتسيالار قىزمەتىندە ءداستۇرلى بريفينگ ءوتتى. بريفينگتىڭ بۇل جولعى تاقىرىبى مەملەكەت باسشىسىنىڭ ۇستىمىزدەگى جىلدىڭ 11 قازانىندا ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋ بارىسىنا ارنالدى. باسقوسۋدىڭ بۇل جولعى قوناعى كولىك جانە كوممۋنيكاتسيا ءمينيسترى اسقار جۇماعاليەۆ بولدى.
«وزدەرىڭىزگە بەلگىلى ۇكىمەتتىڭ كەڭەيتىلگەن وتىرىسىندا ەلباسى جول سالاسىنا قاتىستى ءادىل سىن ايتقان بولاتىن. قازىرگى تاڭدا جول سالاسىندا بىرنەشە پروبلەمالار بار. ەلىمىزدەگى جالپى جولداردىڭ 33 پايىزى ناشار دەپ ايتۋعا بولادى. ولاردىڭ جوندەۋ جۇمىستارىنىڭ ساپاسىن جاقسارتۋ كەرەك. اۋىر جۇك كولىكتەرى جولداردى بۇزىپ جاتىر. وسى ماسەلەلەردى شەشۋ ماقساتىندا بىرقاتار جۇمىستار اتقارۋدامىز», دەدى كولىك جانە كوممۋنيكاتسيا ءمينيسترى اسقار جۇماعاليەۆ.
جالپى مينيسترلىك بيىل 5898 شاقىرىم جولعا جوندەۋ جۇمىستارىن جۇرگىزگەن. سونىمەن بىرگە, باتىس قىتاي – باتىس ەۋروپا جولىندا دا قارقىندى جۇمىستار اتقارىلۋدا ەكەن. بيىل جوسپار بويىنشا 806 شاقىرىمى سالىنۋ كەرەك بولسا, بۇگىنگى تاڭدا سونىڭ 710 شاقىرىمى سالىنعان. مينيستر قالعان جول شاقىرىمدارىنىڭ جىل سوڭىنا دەيىن بىتەتىندىگىنە ءۇمىتتى ەكەنىن جەتكىزدى.
پرەزيدەنت تاپسىرماسىمەن استانا – پاۆلودار, استانا –تەمىرتاۋ, الماتى – قاپشاعاي ۋچاسكەلەرىندە قۇرىلىس جۇمىستارى باستالىپ كەتكەن. جاڭا تەحنولوگيالارعا ارنالعان 40 ەكسپەريمەنتالدى ۋچاسكە بار. مەملەكەت باسشىسى ايتقان ءمونوليتتى تەمىر-بەتون تەحنولوگياسى قازىر سىناقتان ءوتىپ جاتىر. قاناتقاقتى جوبا جاقسى ناتيجە كورسەتۋدە.
«سىبايلاس جەمقورلىقتى بولدىرماۋ جانە باقىلاۋدى كۇشەيتۋ ماقساتىندا باسقارۋ قۇرىلىمىن وزگەرتىپ, حالىقارالىق ساپا ستاندارتىن ەنگىزدىك. قۇرىلىس ساپاسىن فيديك شارتتارىنا ءسايكەس باقىلاۋدا ۇستاپ وتىرمىز. اۆتوموبيل جولدارىن باسقارۋدىڭ اۆتوماتتاندىرىلعان جۇيەسىن ازىرلەۋدەمىز. جۇرگىزۋشىلەر مۇنداي رەجيمدە جولدىڭ ساپاسىن كورە الادى جانە ءوزىنىڭ مارشرۋتىن ءوزى جوسپارلايتىن بولادى», دەدى ول.
11 قازاندا وتكەن ۇكىمەتتىڭ كەڭەيتىلگەن وتىرىسىندا پرەزيدەنت نۇرسۇلتان نازارباەۆ قۇرىلىس سالاسىندا جاڭا تەحنولوگيالار ەنگىزۋ ەسەبىنەن كۇردەلى شىعىنداردى ارزانداتۋ ءارى ساپاسىن ارتتىرۋ بويىنشا جۇمىستاردىڭ ناشارلىعىن سىناعان-دى. بۇل رەتتە مينيستر مەملەكەت باسشىسى ايتقان جاڭا تەحنولوگيالارعا قاتىستى جۇمىستاردىڭ جۇرگىزىلىپ جاتقاندىعىن بايانداپ بەردى.
ءابدىراحمان قىدىربەك,
«ەگەمەن قازاقستان».
