قازاقستان • 02 تامىز، 2020

"Qazaqstan" تەلەارناسىنان "جاقسىلىق" كوركەم ءفيلمى كورسەتىلەدى

366 رەت كورسەتىلدى

بۇگىن ساعات 19:50-دە "Qazaqstan" ۇلتتىق تەلەارناسىنان قازاقستاننىڭ ەڭبەك ەرى، گرەك-ريم كۇرەسىنىڭ پالۋانى، الەم جانە وليمپيادا چەمپيونى، قر ەڭبەك سىڭىرگەن جاتتىقتىرۋشىسى جاقسىلىق ۇشكەمپىروۆ تۋرالى "جاقسىلىق" كوركەم ءفيلمى كورسەتىلەدى، - دەپ حابارلايدى Egemen.kz

قر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى "قازاقفيلم" اق تۇسىرگەن فيلم توكيو وليمپياداسى قارساڭىندا ەلدە جانە شەت مەملەكەتتەردە دە كورسەتىلەدى دەپ جوسپارلانعان. الايدا الەمدىك كوروناۆيرۋس پاندەمياسىنا بايلانىستى كينوتەاترلارداعى كورسەتىلىمى كەيىنگە شەگەرىلىپ كەلدى. "قازاقستان" تەلەراديوكورپوراتسياسى ەلىمىزدىڭ مادەنيەت جانە سپورت مينيسترلىگىنە كوركەم تۋىندىنى تەلەكورەرمەنگە ۇسىنۋ قۇقىعىن بەرگەنى ءۇشىن العىس بىلدىرەدى.

"قازاقستان" تەلەراديوكورپوراتسياسى بۇدان بولەك بۇگىن جاقسىلىق ۇشكەمپىروۆتىڭ قاتىسۋىمەن ءتۇسىرىلىپ، بەينەقوردا ساقتالعان "كەلبەت"، "دارا جول"، "سەن دە ءبىر كىرپىش دۇنيەگە..." حابارلارىن ۇسىنادى. "Abai tv" ارناسىنان 20:25-تە "سەن دە ءبىر كىرپىش دۇنيەگە..." باعدارلاماسى، 20:05-تە "Qazsport" ارناسىنان "كەلبەت" حابارى كورسەتىلەدى.

سوڭعى جاڭالىقتار

ۇقساس جاڭالىقتار