ايماقتار • 02 تامىز، 2020

ءۇش كۇندىك شارا 22 پاتەر ۇرلىعىن اشتى

52 رەت كورسەتىلدى

سولتۇستىك قازاقستان وبلىسىنىڭ پوليتسەيلەرى "پاتەر" رەسپۋبليكالىق جەدەل-پروفيلاتيكالىق ءىس-شاراسىن ءوڭىر بويىنشا قورىتىندىلاعاندا وسىنداي ناتيجەگە قول جەتكىزىلگەنى ايتىلدى، - دەپ جازادى Egemen.kz

وسىناۋ جەدەل-پروفيلاكتيكالىق ءىس-شاراسىن وتكىزۋگە كريمينالدىق پوليتسيا عانا ەمەس باسقا دا بولىنىستەردىڭ قىزمەتكەرلەرى تارتىلىپ، بارلىق باعىتتار بويىنشا پاتەر ۇرلىعىن اشۋ جانە ونىڭ جولىن كەسۋ بويىنشا جۇمىستار جۇرگىزىلگەن. مۇندايدا ىزشىلدەر الدىمەن بۇرىن سوتتالعانداردى نازارعا الادى. سونىڭ ىشىندە 20 ماۋسىم كۇنى قىزىلجار اۋداندىق سوتىنىڭ قاۋلىسىمەن سوتتالعان بەسكول اۋىلىنىڭ 1992 جىلعى تۇرعىنىنا ىزدەۋ جاريالانعان. ويتكەنى ول اقپان ايىندا ءبىر ءۇيدى توناپ، توڭازىتقىش، تەلەديدار، پەشتىڭ وتتىعى سياقتى دۇنيەلەردى قولدى قىلعانى ءۇشىن 3،5 جىلعا باس بوستاندىعىنان ايىرۋ جازاسىنا كەسىلگەن. الايدا كورسەتىلگەن سەنىمدى اقتاماي، سالىنعان شەكتەۋلەردى بۇزىپ، اۋدان ورتالىعىنان كەتىپ قالعان. جەدەل-پروفيلاكتيكالىق ءىس-شارا شەڭبەرىندە ول پەتروپاۆل قالاسىنداعى "جۇمىسشى" كەنتىندە جاسىرىنىپ جۇرگەن جەرىنەن تابىلدى. ەندى ول قالعان مەرزىمىن باس بوستاندىعىن ايىرۋ ورىندارىندا وتەيتىن بولادى.

سونداي-اق ءىس-شارا بارىسىندا بۇرىن جاسالعان قىلمىستاردى اشۋ بويىنشا جۇمىس كۇشەيتىلىپ، ۇرلانعان م ۇلىكتى وتكىزۋ جانە ساقتاۋ ورىندارى بويىنشا رەيدتەر جۇرگىزىلگەن. 3 كۇن بويى بازارلار مەن لومباردتار، 200-دەن استام ءتۇرلى ساۋدا ورىندارى تەكسەرىلدى. ناتيجەسىندە بۇرىن جاسالعان 12 پاتەر ۇرلىعى، ونىڭ ىشىندە وتكەن جىلداردا جاسالعان 6 ۇرلىق اشىلدى.

ءسويتىپ، وپەراتسيا اياسىندا بارلىعى 22 پاتەر ۇرلىعى اشىلىپ، ونى جاساعان 20 سولتۇستىكقازاقستاندىق ۇستالدى، سونىڭ 9-ى بۇرىن سوتتى بولعاندار.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار