پارلامەنت • 31 شىلدە، 2020

ءماجىلىس دەپۋتاتتارى قايىرىمدىلىق اكتسياسىن وتكىزدى

35 رەت كورسەتىلدى

بۇگىن بۇكىل الەم مۇسىلماندارى اتاپ وتەتىن قۇربان ايت مەرەكەسىندە ءماجىلىس دەپۋتاتتارى ەلىمىزدىڭ ءار ايماعىندا كوروناۆيرۋس ىندەتىنىڭ سالدارىنان قيىن جاعدايعا تاپ بولعان قازاقستاندىقتارعا قايىرىمدىلىق شارالارىن وتكىزدى. بۇل تۋرالى Egemen.kz پارلامەنت ءماجىلىسىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ءباسپاسوز قىزمەتىنىڭ مالىمەتتەرىنە قاراعاندا، قاسيەتتى مەرەكەدە دەپۋتاتتار مۇمكىندىگى شەكتەۋلى جاندارعا، كوپ بالالى وتباسىلار مەن قارتتارعا ازىق-ت ۇلىك پەن قاجەتتى زاتتاردى جانە جەكە قورعانىس قۇرالدارىن جەتكىزدى.

نۇر-سۇلتان قالاسىندا ءماجىلىس دەپۋتاتتارى بەرىك وسپانوۆ، اسىلبەك سماعۇلوۆ جانە نۇرجان التاەۆ مۇقتاج جاندارعا كومەك كورسەتتى. ولار قازاقستان مۇسىلماندارى ءدىني باسقارماسىنىڭ وكىلدەرىمەن بىرگە قارتتار مەن كوپبالالى وتباسىلارعا بارىپ، ازىق-ت ۇلىك پەن قۇرباندىققا شالىنعان مالدىڭ ەتتەرىن بەردى.

ءماجىلىس دەپۋتاتتارى بۇل كۇندەرى تەك ءىرى قالالارعا عانا ەمەس، وبلىس ورتالىقتارى مەن شالعايداعى ەلدىمەكەندەرگە دە باردى. "اق جول" پارتياسىنىڭ پارلامەنتتىك فراكتسياسىنىڭ جەتەكشىسى ازات پەرۋاشەۆ ەلوردادان 160 شاقىرىم جەردە ورنالاسقان اقمولا وبلىسىنىڭ ەرەيمەنتاۋ اۋدانىندا بولدى. ماجىلىسمەن 30 وتباسىنا ازىق-ت ۇلىك پەن قاجەتتى تاۋارلار جەتكىزدى.

سونىمەن قاتار ا.پەرۋاشەۆ اۋداندىق اۋرۋحانانىڭ دارىگەرلەرى مەن مەديتسينا قىزمەتكەرلەرىمەن كەزدەسىپ، اۋرۋحاناعا ءدارى-دارمەكتەر مەن جەكە قورعانىس قۇرالدارىن سىيعا تارتتى.

سونىمەن قاتار، قايىرىمدىلىق اكتسيالارىنا ءماجىلىس دەپۋتاتتارى "حالىقتىق كوممۋنيستەر" فراكتسياسىنىڭ اتىنان ايقىن قوڭىروۆ پەن جامبىل احمەتبەكوۆ تە بەلسەندى قاتىستى. ماجىلىسمەندەر "شاپاعات" جوباسى اياسىندا كوپبالالى وتباسىلارعا، زەينەتكەرلەرگە، سونداي-اق بالالار ءۇيىنىڭ بۇرىنعى تۇلەكتەرىنە ازىق-ت ۇلىكپەن كومەك كورسەتتى.

ءماجىلىس دەپۋتاتى ابزال ەراليەۆ قىزىلوردا وبلىسىنداعى كوپتەگەن وتباسىلارعا الەۋمەتتىك قولداۋ كورسەتتى. كورسەتىلگەن كومەككە ريزاشىلىق بىلدىرگەن ءوڭىر تۇرعىندارى قازاقستاندىق قوعامنىڭ باستى قۇندىلىقتارى – بەيبىتشىلىكتى، كەلىسىم مەن بىرلىكتى جانە ءبىر-بىرىنە قۇرمەت پەن قولداۋ كورسەتۋدىڭ ماڭىزدىلىعىن اتاپ ءوتتى.

ايتا كەتۋ كەرەك، قۇربان ايت مەرەكەسى اياسىندا قايىرىمدىلىق اكتسيالارى ءماجىلىس دەپۋتاتتارىنىڭ ەسەبىنەن ۇيىمداستىرىلدى. ءىس-شارالار بارلىق سانيتارلىق نورمالار مەن كارانتين ەرەجەلەرىن قاتاڭ ساقتاي وتىرىپ وتكىزىلدى.

سوڭعى جاڭالىقتار

ۇقساس جاڭالىقتار