زاڭسىز كوكاين پلانتاتسياسىن جويۋعا كىرىسكەن بوليۆيا مەملەكەتىنىڭ قارۋلى كۇشتەرىنە جەرگىلىكتى تۇرعىندار شابۋىل جاسادى. بۇل تۋرالى يتار-تاسس حابارلادى.
بوليۆيا ىشكى ىستەر ءمينيسترى كارلوس رومەرونىڭ ايتۋى بويىنشا, جەرگىلىكتى تۇرعىندار پوليتسيا مەن اسكەريلەر جاساعىنا توسىننان شابۋىل جاساعان. شابۋىل بوليۆيا استاناسىنىڭ سولتۇستىگىنە قاراي 15 شاقىرىم جەردە ورنالاسقان اپولو ەلدى مەكەنىندە ورىن الدى. كۇشتىك قۇرىلىم قىزمەتكەرلەرىنىڭ ءبىرى العان جاراقاتىنان وقيعا ورنىندا قازا تاپسا, ەكىنشىسى اۋرۋحانادا كوز جۇمدى. سونداي-اق شابۋىلداۋشىلار جيىرما قىزمەتكەردى پىشاقپەن جاراقاتتاپ, تاعى سەگىزىن تۇتقىنعا العان.
مينيستر وقيعاعا قاتىسى كۇدىكتى ون ادامنىڭ ۇستالعانىن حابارلادى. سونىمەن بىرگە, ول شابۋىلعا قاتىسقانداردىڭ قاتاڭ جازالاناتىنىن ەسكەرتتى.
ايدار ورىسباەۆ.
