وقۋعا تۇسۋشىلەردىڭ جەكە كابينەتتەرىنە (ۇتو سايتىندا) كت وتكىزىلۋ كۇنى, ۋاقىتى جانە ورنى كورسەتىلگەن جاڭا رۇقساتتامالار جىبەرىلەدى. تەستىلەۋدىڭ قورىتىندىسى بويىنشا كۋالىك ەلەكتروندىق نىساندا بەرىلەدى.
كت 18 وڭىرلىك تەستىلەۋ ورتالىعىنىڭ بازاسىندا كومپيۋتەرلىك فورماتتا وتەدى. اكادەميالىق ادالدىقتى ساقتاۋ ماقساتىندا ءار كومپيۋتەر بەينەكامەرامەن قامتاماسىز ەتىلەدى.
ءار قاتىسۋشى ءۇشىن تەستىلەۋ دەربەس باستالادى. تەستىلەنۋشىلەر سۇراقتاردى وتكىزىپ جىبەرىپ, الدىڭعى سۇراقتارعا قايتا ورالا الادى جانە جاۋاپ نۇسقالارىن وزگەرتە الادى. تەستىلەۋ اياقتالعان سوڭ 30 مينۋت ىشىندە اپپەلياتسياعا تاپسىرۋعا بولادى.
تەستىلەۋ ۋاقىتى - 3 ساعات 55 مينۋت, تاپسىرمالار سانى - 130.
كوميسسيا وقۋعا ءتۇسۋشىنى تىيىم سالىنعان زاتتاردى الىپ وتۋگە تىرىسقانى ءۇشىن نەمەسە بوگدە ادام ارقىلى تەستىلەۋدى تاپسىرۋعا تىرىسقانى ءۇشىن كەشەندى تەستىلەۋگە جىبەرمەۋى مۇمكىن.
تەستىلەنۋشىلەردى كىرگىزۋ جانە وتىرعىزۋ كەزىندە سانيتارلىق قاۋىپسىزدىك شارالارى ساقتالادى.
