تاعايىنداۋ • 31 شىلدە، 2020

نۇر-سۇلتان قالالىق دەنساۋلىق ساقتاۋ باسقارماسىنىڭ باسشىسى تاعايىندالدى

70 رەت كورسەتىلدى

نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى بولىپ تيمۋر مۇراتوۆ تاعايىندالدى، - دەپ حابارلايدى Egemen.kz.

ەلوردا اكىمى التاي كولگىنوۆ دەنساۋلىق ساقتاۋ باسقارماسىنىڭ باسشىسىن قالاداعى اۋرۋحانالار مەن ەمحانالاردىڭ باس دارىگەرلەرىمەن وتكەن ونلاين-كەڭەستە تانىستىردى.

تيمۋر مۇراتوۆ مەديتسينا سالاسىندا 20 جىل بويى قىزمەت ەتىپ كەلەدى. № 6 قالالىق ەمحانادا دارىگەر قىزمەتىنەن باستاعان. ءار جىلدارى №2 قالالىق اۋرۋحانانىڭ ءبولىم مەڭگەرۋشىسى، №2 قالالىق اۋرۋحانانىڭ باس دارىگەرىنىڭ مەديتسينالىق قىزمەت ساپاسىن باقىلاۋ جونىندەگى ورىنباسارى، № 2 اقمولا وبلىستىق اۋرۋحاناسىنىڭ باس دارىگەرى قىزمەتتەرىن اتقارعان. سوڭعى جىلدارى ەلوردانىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى، جەدەل مەديتسينالىق جاردەم ستانتسياسىنىڭ باس دارىگەرى بولىپ جۇمىس ىستەدى. مەريتوكراتيا قاعيداتىنا سايكەس دارىگەردەن "قر پرەزيدەنت ءىس باسقارماسىنىڭ مەديتسينا ورتالىعىنىڭ اۋرۋحاناسى" رمك ديرەكتورىنىڭ ءبىرىنشى ورىنباسارىنا دەيىنگى قىزمەت جولىنان وتكەن.

ەلوردا اكىمى التاي كولگىنوۆ قوعامدىق دەنساۋلىق ساقتاۋ باسقارماسىنىڭ باسشىسىنا سovid-19-دىڭ تارالۋ ديناميكاسىن تومەندەتۋ ءۇشىن بارلىق قاجەتتى شارالاردى قابىلداۋدى تاپسىردى. كارانتين شارالارى مەديتسينا قىزمەتكەرلەرى مەن مەديتسينالىق مەكەمەلەرگە ايتارلىقتاي جۇكتەمەنى ازايتۋعا مۇمكىندىك بەردى.

قابىلدانعان شارالار مەن قالا ەمحانالارىندا امبۋلاتوريالىق ەمدەۋدى كۇشەيتۋدىڭ ارقاسىندا جەدەل مەديتسينالىق جاردەم ستانتسياسىنا شاقىرۋلار سانى 3 ەسە (3 مىڭنان 1 مىڭعا دەيىن) تومەندەدى.

پنەۆمونيامەن ستاتسيونارلارعا تۇسكەن ناۋقاستار سانى 67،5% ازايدى، توسەك قورىنىڭ جۇكتەمەسى 99% - دان 39% - عا دەيىن تومەندەدى. كوروناۆيرۋس كورسەتكىشى تومەندەۋىنىڭ وڭ ديناميكاسى بايقالادى.

سوڭعى جاڭالىقتار

دوللار ارزاندادى

قارجى • بۇگىن، 16:22

شىمكەنتتە دە LRT سالىنۋى مۇمكىن

ايماقتار • بۇگىن، 12:50

ۇقساس جاڭالىقتار