«ىندەت تارالماي تۇرىپ تا تابيعاتتى پلاستيك قالدىقتارىمەن لاستاۋدان پلانەتامىزعا قاۋىپ كوپ ەدى. ال پاندەميا تۇسىندا اۋا گازدان تازارعانىمەن, تابيعات تازالىعى سىن كوتەرمەيتىن كۇيدە», دەيدى ول. وقشاۋلانعان ادامداردىڭ ۇيىنە تاۋارلار مەن تاعامدارعا تاپسىرىس بەرگەن كەزىندە ونى پلاستيك ىدىستارعا سالىپ اپارۋ جاعدايدى ودان سايىن اۋىرلاتىپ جىبەردى. بۇۇ ساراپشىلارىنىڭ پايىمداۋىنشا, پلاستماسسا قالدىقتارىنان تابيعاتقا تيەتىن زالال
40 ملرد دوللاردى قۇرايدى.
«Grand View Research» كونسالتينگ كومپانياسى جۇرگىزگەن ەسەپكە قاراعاندا ءبىر رەت قولدانىلاتىن مەديتسينالىق تۇمشا 2019 جىلى 800 ملن بولسا, بيىل ونىڭ سانى 166 ملرد داناعا ۇلعايعان.
ۇيىم وسى تۇمشالاردىڭ بەيبەرەكەت شاشىلىپ قالۋىنىڭ دا قورشاعان ورتاعا تەرىس ىقپالى بارلىعىنا توقتالعان. شىنىندا دا, كوشەلەردە شاشىلىپ جاتقان بەتپەردەدەن اياق الىپ جۇرە المايتىن بولدىق.
