ايماقتار • 30 شىلدە، 2020

"مادەني استانا" جىلى اياسىندا شىمكەنتتە 7 حالىقارالىق ءىس-شارا وتەدى

161 رەت كورسەتىلدى

بۇگىن اقپاراتتىق-كوممۋنيكاتسيالىق ورتالىعىندا شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ باسشىسى راشيد مىڭباەۆتىڭ قاتىسۋىمەن بريفينگ ءوتتى، - دەپ حابارلايدى Egemen.kz

بريفينگتە ر.مامىت ۇلى "شىمكەنت 2020 – تمد ەلدەرىنىڭ مادەني استاناسى" جىلى اياسىندا وتكىزىلەتىن شارالار جانە اتقارىلعان جۇمىستار جونىندە ءسوز قوزعادى.

"ەلىمىزدە ەنگىزىلگەن كارانتين رەجيمىنە بايلانىستى "شىمكەنت – تمد ەلدەرىنىڭ مادەني استاناسى» جىلىنا وراي ءىس-شارالاردى ونلاين فورماتتا وتكىزەمىز. بۇل تامىز ايىندا باستالىپ، جىل سوڭىنا دەيىن جالعاسادى. وسى ۋاقىت ارالىعىندا حالىقارالىق 7 مادەني شارا وتەدى. ولار – تمد ەلدەرى اراسىندا حالىق اسپاپتارىندا ورىنداۋشىلاردىڭ "دوستاستىق حالىقتارىنىڭ مۋزىكاسى"، قازاقتىڭ ۇلى كومپوزيتورى، قازاقستان رەسپۋبليكاسى ءانۇرانىنىڭ اۆتورى ءشامشى قالداياقوۆتىڭ 90 جىلدىعىنا ارنالعان "مەنىڭ قازاقستانىم" ەسترادالىق اندەردى ورىنداۋشىلارى، "شىمكەنت – قايىرىمدى قالا" بالالار شىعارماشىلىعىنا ارنالعان، "دوستاستىقتىڭ وپەرا جۇلدىزدارى" وپەرا ورىنداۋشىلارى، تمد ەلدەرىنىڭ تەاتر فەستيۆالدەرى جانە قازاقتىڭ ۇلى ويشىل اقىنى اباي قۇنانباي ۇلىنىڭ 175 جىلدىعىنا ارنالعان "اباي ءسوزى" ونلاين وقۋ مەن تمد ەلدەرىنىڭ حالىقارالىق مۋزەي اپتالىعى. ايتا كەتەيىن، اتالعان ءىس-شارالارعا بيۋدجەتتەن قارجى قارالمايدى"، – دەدى ر.مىڭباەۆ.

سپيكەردىڭ سوزىنە سۇيەنسەك، ەلىمىزدە توتەنشە جاعداي ەنگىزگەن ۋاقىتتان بەرى قالالىق باسقارمانىڭ 18 مەكەمەسى تاراپىنان ونلاين تۇردە 820 ءىس-شارا ءوتىپ، 63 بەينەروليك دايىندالىپ، 300 مىڭعا جۋىق كورەرمەن تاماشالاعان. بۇل مادەني شارالارعا قارجى جۇمسالماعان. ياعني، اتالعان باسقارماعا بولىنگەن قارجى ىندەتكە بايلانىستى تولىق قايتارىلعان. وسى رەتتە باسقارما باسشىسى "شىمكەنت قالاشىعى" (تسيتادەل) نىسانىن قايتا قالپىنا كەلتىرۋ جانە اباتتاندىرۋ مەن مۇراجايلاندىرۋ جۇمىستارى اياقتالىپ جاتقانىن العا تارتىپ، كۇز ايىندا بىتەتىنىن ايتتى. سالتاناتتى اشىلۋ ءراسىمى ونلاين فورماتتا وتەدى. 

 

ءباسپاسوز ماجىلىسىندە بەلگىلى بولعانداي، بۇگىندە قالادا اتاۋى جوق 644 كوشە بار. ەسەپتى مەرزىمدە اتاۋى جوق كوشەلەرگە اتاۋ بەرۋ بويىنشا جالپى سانى 381 ۇسىنىس جيناقتالىپ، قۇجاتتارى راسىمدەلىپ، رەسپۋبليكالىق ونوماستيكا كوميسسياسىنىڭ قاراۋىنا ەنگىزىلگەن. قالعان اتاۋى جوق كوشەلەر بويىنشا ۇسىنىس تامىز ايىندا رەسپۋبليكالىق ونوماستيكا كوميسسياسىنا جىبەرىلەدى.

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

ۇقساس جاڭالىقتار