ايماقتار • 30 شىلدە، 2020

نۇر-سۇلتاندا ءدارى-دارمەك باعاسىنا مونيتورينگ جالعاسۋدا

14 رەت كورسەتىلدى

"استانا – ادالدىق الاڭى" جوباسى اياسىندا قالالىق ءماسليحات دەپۋتاتتارى ميراس شەكەنوۆ پەن اقىلبەك كۇرىشباەۆ جانە تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ وكىلدەرى قالالىق بىرنەشە ءدارىحانالاردا ءدارى-دارمەك باعاسىنا كەزەكتى مونيتورينگ جۇرگىزدى، دەپ حابارلايدى ەلوردا اكىمدىگىنىڭ رەسمي سايتى.

بۇگىندە قالانىڭ 80-نەن استام ءدارىحاناسىندا مونيتورينگ جۇرگىزىلدى. ولاردىڭ كەيبىرى دارىلىك پرەپاراتتارعا سايكەس سەرتيفيكاتتارىن ۇسىنبادى.

"قابانباي باتىر داڭعىلى، 40 مەكەن-جايى بويىنشا ورنالاسقان "وركەن" ءدارىحاناسىنان قازاقستان اۋماعىندا تىركەلمەگەن 500 مگ № 3 «ازيتروميتسين وزون» پرەپاراتىن ساتۋ دەرەگى انىقتالدى. بۇل زاڭ بۇزۋشىلىق ءتيىستى شارالار قابىلداۋ ءۇشىن تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جىبەرىلدى"، – دەدى دەپۋتات ميراس شەكەنوۆ.

دەپۋتات اقىلبەك كۇرىشباەۆتىڭ ايتۋىنشا، دارىحانالارداعى باعا دەنساۋلىق ساقتاۋ مينيسترلىگى بەلگىلەگەن باعادان اسپايدى. الايدا ونىڭ پىكىرىنشە، اينالىمعا ەنگىزىلەتىن بارلىق دارىلىك زاتتاردىڭ قاۋىپسىزدىگى مەن ساپاسىن قامتاماسىز ەتۋ قاجەت.

"مۇنى ۇلتتىق دارىلىك زاتتاردى ساراپتاۋ ورتالىعى تەكسەرەدى. ورتالىق ولارعا ونىمگە سايكەس سەرتيفيكات بەرەدى. تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىندە تۇسىندىرگەنىمىزدەي، ءدارىحانالاردا جۇكپەن بىرگە دارىلىك زاتتىڭ ساپاسىن كۋالاندىراتىن قۇجاتتىڭ كوشىرمەسى قوسا بەرىلۋى ءتيىس. بىراق، وكىنىشكە قاراي، ءبىز تەكسەرگەن ءدارىحانالاردا بۇل قۇجاتتار بولعان جوق. بارلىعى فيرمادا، ديستريبيۋتەرلەردە دەگەن سىلتاۋ ايتادى. مەن بۇلاي ەكەنىنە سەنگىم كەلەدى. ءدارى-دارمەكتەردى قولدان جاساۋ جانە كونترافاكتىلىك – بۇكىل الەمدەگى وزەكتى ماسەلە. دارىلەردىڭ ساپاسى – ەلدىڭ ۇلتتىق قاۋىپسىزدىگى، ازاماتتارىمىزدىڭ ءومىرى مەن دەنساۋلىعىنىڭ ماسەلەسى. سوندىقتان مۇنداي قۇقىق بۇزۋشىلارعا قاتاڭ زاڭدار قابىلداپ، دامىعان ەلدەردەگىدەي دارىلىك زاتتاردىڭ اينالىمى بويىنشا باقىلاۋ ەنگىزۋ قاجەت"، – دەدى ا.كۇرىشباەۆ.

حابارلانعانداي، نۇر-سۇلتاندا ءدارى-دارمەكتىڭ باعاسىن نەگىزسىز كوتەرۋ دەرەكتەرىن انىقتاۋ بويىنشا مونيتورينگ كۇشەيتىلدى. دارىلىك زاتتاردىڭ باعاسى كوتەرىلگەن جاعدايدا ازاماتتار IKOMEK 109 بىرىڭعاي بايلانىس ورتالىعىنا، سونداي-اق +7 775 160 55 32 WhatsApp نومىرىنە جۇگىنە الادى.

ۇكىمەت پەن نۇر-سۇلتان اكىمدىگى لوگيستيكا، ءدارى-دارمەكتەردى ساتىپ الۋ جانە اكەلۋ راسىمدەرىن جەڭىلدەتۋ ماسەلەلەرى بويىنشا قولداۋ كورسەتۋدە. سونىمەن قاتار، قالالىق پروكۋراتۋرا، پوليتسيا دەپارتامەنتى، سىبايلاس جەمقورلىققا قارسى قىزمەت، مەملەكەتتىك كىرىستەر، ەكونوميكالىق تەرگەۋ، فارماتسەۆتيكالىق باقىلاۋ قىزمەتكەرلەرىنەن تۇراتىن ءموبيلدى توپ كۇن سايىن دارىلىك زاتتاردى الىپساتارلارمەن كۇرەس جۇمىستارىن جۇرگىزۋدە.

سوڭعى جاڭالىقتار

كۇلشە قىز

تەاتر • بۇگىن، 09:25

گۇلدەردىڭ سىرىن ۇققان...

ونەر • بۇگىن، 09:24

قالدىقتى كادەگە جاراتتى

ايماقتار • بۇگىن، 09:22

اقىلى اۆتوجول كوبەيدى

قازاقستان • بۇگىن، 09:18

Digital تەڭسىزدىك

تەحنولوگيا • بۇگىن، 09:14

ەلىن سۇيگەن ەرەن ەر

تاريح • بۇگىن، 09:11

راسيمانىڭ ءاسۇيى

قوعام • بۇگىن، 09:07

الاكولگە پويىزبەن بارۋعا بولادى

ايماقتار • بۇگىن، 09:01

اسارلاتىپ التىنشى ءۇي سالدى

ايماقتار • بۇگىن، 09:00

1500 وتباسى باسپانالى بولادى

ايماقتار • بۇگىن، 08:58

ۇلى مۇرات ۇستىنى

پىكىر • بۇگىن، 08:54

ادامزاتقا قالتقىسىز قىزمەت

تانىم • بۇگىن، 08:42

شىناشاقتاي سپورتشى شىندىعى

سپورت • بۇگىن، 08:39

قانداستار ءوز ورتامىزعا ورالدى

قازاقستان • بۇگىن، 08:33

جاڭا جوبالاردى تانىستىردى

قازاقستان • بۇگىن، 08:27

كۇزدە – حالىق ساناعى

قازاقستان • بۇگىن، 07:58

مەيىرىم ەكەن عوي

ونەر • كەشە

ءانۋار الەمى

ونەر • كەشە

بوياۋلار قۇپياسى

ونەر • كەشە

ۇقساس جاڭالىقتار