بەلگيادا شەكتەۋ شارالارى كۇشەيدى. جاڭا ەرەجەگە ساي, بىرگە تۇراتىن وتباسى مۇشەلەرىنىڭ سانى 5-تەن اسپاۋى ءتيىس. دۇكەنگە ءبىر-بىردەن عانا بارۋعا بولادى. كومپانيالار قاشىقتان جۇمىس ىستەپ, قوعامدىق ورىندار جابىلدى. ەلدە سوڭعى اپتادا كوروناۆيرۋس جۇقتىرعاندار سانى 70 پايىزعا وسكەن. ياعني ورتا ەسەپپەن تاۋلىگىنە 280 ادام دەرتكە شالدىعىپ جاتىر..
ەۋروپادا پاندەميانىڭ ۋشىعۋىنا تۋريستەر دە سەبەپشى. گەرمانيادا ماۋسىم-شىلدە ايلارىندا قاۋىپتى دەرتكە تاۋلىگىنە 400-دەي ادام شالدىققان. ولاردىڭ كوبى شەتەلگە بارىپ كەلگەندەر. سوندىقتان دەنساۋلىق ساقتاۋ مينيسترلىگى ساياحاتتاردى شەكتەپ, باسقا ەلگە بارعانداردى مىندەتتى تەستىلەۋدەن وتكىزۋدى قاراستىرىپ جاتىر.
دەگەنمەن دۇنيەجۇزىلىك دەنساۋلىق ساقتاۋ ۇيىمى ۆيرۋستىڭ تارالۋىن توقتاتۋ ءۇشىن, حالىقارالىق ساپارلارعا ۇزاق ۋاقىتقا تىيىم سالۋ مۇمكىن ەمەس دەيدى.
