بۇگىن قالالىق ستاتسيونارلاردان 305 استام ادام ەمدەلىپ شىقتى. ولاردىڭ كوبى پنەۆمونيا مەن كوروناۆيرۋس ينفەكتسياسىنا شالدىققان ەگدە جاستاعى ادامدار.
نۇر-سۇلتان قالاسىنىڭ تۇرعىنى ءبىرجان ابدۋللين بۇگىن اۋرۋحانادان شىققانداردىڭ ءبىرى.
"ەلدى اۋرۋ سىرقاۋدان اراشالاپ قالىپ جاتقان قازاقستاننىڭ دەنساۋلىق ساقتاۋ قىزمەتكەرلەرىنە مىڭ العىس! رەسپۋبليكا داڭعىلىندا ورنالاسقان ەمدەۋ ورتالىعىنا وكپەنىڭ قابىنۋى بويىنشا ەم الۋعا كەلگەنمىن. قاتتى اۋىرىپ كەلىپ ەدىم, قازىر ۇيگە ورالعالى تۇرمىن. قۋانىشتا شەك جوق, مىڭ العىس", – دەيدى اقساقال.
نۇر-سۇلتان قالاسىنىڭ تۇرعىنى پەتر ۆاسيلەۆ ەكى جاقتى وكپە قابىنۋىمەن اۋرۋحاناعا جاتقىزىلعان.
"دارىگەرلەرگە, بارلىق مەديتسينا قىزمەتكەرلەرىنە كاسىبي بىلىكتىلىگى ءۇشىن ۇلكەن راحمەت! ون ءتورت كۇندە مەنى اياعىما تۇرعىزدى. ءبارى جاقسى, قازىر ءوزىمدى جاقسى سەزىنەمىن!" – دەيدى زەينەتكەر.
قازاقستان استاناسىندا COVID-19 جانە پنەۆمونيانى ەمدەۋ بويىنشا وڭ ناتيجە بايقالادى. نۇر-سۇلتان قالاسى اكىمدىگى كوروناۆيرۋس ينفەكتسياسىمەن جانە پنەۆمونيامەن كۇرەس بويىنشا پارمەندى شارالار قابىلداۋدا.
بۇل شىلدەنىڭ باسىنان باستاپ اۋرۋحانالارعا تۇسكەن ناۋقاستار سانىنىڭ تومەندەۋىنەن بايقالادى. 5 شىلدەدەن باستاپ قابىلدانعان كارانتين شارالارى مەن امبۋلاتوريالىق ەمدەۋدى كۇشەيتۋدەن كەيىن ستاتسيونارلارداعى پنەۆمونيامەن اۋىراتىن ناۋقاستاردىڭ سانى 1348-دەن 633 ادامعا دەيىن (ەكى ەسەدەن استام) ازايدى. جەدەل جاردەم ستانتسياسىنا شاقىرتۋلار سانى تاۋلىگىنە 3 مىڭنان 1100-گە دەيىن ءۇش ەسە قىسقاردى.
نۇر-سۇلتانداعى كوروناۆيرۋس ينفەكتسياسىنان ەمدەلىپ شىققاندار سانى 70% – 10 320 ناۋقاستىڭ 7 260-ى ساۋىعىپ شىقتى. توسەك-ورىن قورىنىڭ جۇكتەمەسى 99%-دان 38%-عا دەيىن ازايدى. COVID-19 ينفەكتسياسىنىڭ وڭ ديناميكاسىن ساقتاۋ ءۇشىن, بارلىق قالا تۇرعىندارى قاتاڭ سانيتاريا نورمالارىن: ماسكا تاعىپ, قاشىقتىق ساقتاۋى قاجەت.
