باسقارما باسشىسىنىڭ مالىمەتىنشە, ءبىرىنشى سىنىپقا 24 مىڭنان استام وقۋشىنى قابىلداۋ جوسپارلانعان. بۇگىنگە دەيىن 17 401 ءوتىنىش بەرىلگەن. قۇجاتتار ەلەكتروندىق ۇكىمەت Egov.kz پورتالى جانە mektep.shymkent.edu.kz سايتى ارقىلى قابىلدانىپ جاتىر.
"شىمكەنت قالاسى جاڭا وقۋ جىلىن 745 ءبىلىم بەرۋ مەكەمەلەرىمەن باستاعالى وتىر. ولاردىڭ قاتارىندا مەكتەپ, بالاباقشا, كوللەدج بەن قوسىمشا ءبىلىم بەرۋ مەكەمەلەرى بار. قالاداعى 172 مەكتەپتەرگە 18 مىڭ جاڭا پارتا, سوڭعى ۇلگىدەگى بەينە باقىلاۋ كامەرالارى مەن 30 مەكتەپكە تۋرنيكەتتەر ورناتۋ جوسپارلانۋدا. ال ءبىلىم مەكەمەلەرىنىڭ جىلىتۋ جۇيەلەرىن جوندەۋ, قىسىمداۋ جۇمىستارى تولىق اياقتالدى. جەكە قازاندىقپەن جىلىتىلاتىن 25 مەكەمەگە 4 793 توننا قاتتى جانە 190 توننا سۇيىق وتىن تاسىمالدانۋدا", - دەدى باسقارما باسشىسى.
جاڭا وقۋ جىلىندا 11-سىنىپتاردى وقۋلىقتارمەن 100 پايىز جانە قالعان سىنىپ وقۋشىلارىن قوسىمشا كىتاپپەن قامتاماسىز ەتۋ ءۇشىن باسپالارمەن تولىق كەلىسىم شارت جاسالىپ, وقۋلىقتاردى تاسىمالداۋ باستالعان. ايتا كەتۋ كەرەك, كىتاپپەن قامتۋ جۇمىستارى 25 تامىزعا دەيىن جالعاسادى.
