"29 شىلدەدە قازاقستان اۋماعىنىڭ باسىم بولىگىندە اتموسفەرالىق اعىنداردىڭ وتۋىنە بايلانىستى ساقتالادى – نايزاعايلى جاڭبىر, سولتۇستىك-باتىستىڭ كەي جەرىندە قاتتى نوسەر جاۋادى. تەك ەلىمىزدىڭ باتىسىندا جانە وڭتۇستىگىندە انتيتسيكلون جوتاسىنىڭ اسەرىنەن كۇن رايى اشىق بولادى. رەسپۋبليكانىڭ كەي جەرىندە جەل كۇشەيىپ, داۋىل سوعۋى, بۇرشاق جاۋى مۇمكىن. ەلىمىزدىڭ سولتۇستىگىندە تۇمان ءتۇسۋى ىقتيمال", - دەلىنگەن حابارلامادا.
سولتۇستىك قازاقستان وبلىسىنىڭ كەي جەرىندە داۋىل سوعادى, بۇرشاق جاۋىپ, جەل كۇشەيەدى, جىلدامدىعى 15-20 م/س, تۇندە جانە تاڭەرتەڭ كەي جەرىندە – تۇمان ءتۇسۋى مۇمكىن.
پاۆلودار, قاراعاندى, شىعىس قازاقستان وبلىسترىنىڭ كەي جەرىندە – داۋىل سوعادى, بۇرشاق جاۋىپ, جەلدىڭ كۇشەيۋى مۇمكىن. جەلدىڭ جىلدامدىعى 15-20 م/س, پاۆلودار, قاراعاندى وبلىستارىندا ەكپىنى 23-28 م/س جەتەدى.
الماتى, جامبىل, قىزىلوردا وبلىستارىنىڭ كەي جەرىندە جەل 15-20 م/س كۇشەيەدى.
كۇندىز قوستاناي وبلىسىنىڭ كەي جەرىندە داۋىل سوعادى, بۇرشاق جاۋادى جەل كۇشەيىپ, جىلدامدىعى 15-20 م/س جەتەدى, تۇندە جانە تاڭەرتەڭ تۇمان ءتۇسۋى مۇمكىن.
اقمولا وبلىسىندا تۇندە جانە تاڭەرتەڭ كەي جەردە تۇمان تۇسەدى.
كۇندىز اتىراۋ وبلىسىندا, باتىس قازاقستان, اقتوبە وبلىستارىنىڭ وڭتۇستىگىندە قاتتى ىستىق بولادى.
اتىراۋ, قىزىلوردا وبلىستارى, اقتوبە, تۇركىستان وبلىستارىنىڭ باسىم بولىگىندە, باتىس قازاقستان وبلىسىنىڭ كەي جەرىندە, جامبىل, قاراعاندى, الماتى وبلىستارىنىڭ كەي جەرىندە توتەنشە ءورت قاۋپى ساقتالادى.
