جالپى, قالادا ەپيداحۋال جاقسارىپ كەلەدى. اسىرەسە, سوڭعى اپتاداعى كورسەتكىش ءتاۋىر. اۋرۋحانالارعا كوروناۆيرۋسپەن تۇسكەن ناۋقاستار 2 ەسەگە ازايىپ, ەمدەلىپ شىققاندار سانى 70 پايىزعا جۋىقتادى. ال پنەۆمونيامەن تۇسكەندەر 45% پايىزعا كەمىگەن.
بۇل تۋرالى قالا اكىمى التاي كولگىنوۆ تە: "اۋىر حالدەگى ناۋقاستار سانى 34%-كە ازايدى, ياعني 199-دان 132 ادامعا دەيىن. پرەزيدەنتتىڭ تاپسىرماسىنا سايكەس, قابىلدانعان بىرقاتار شارالار ناتيجەسىندە كارانتين ەنگىزىلگەن ساتتەن باستاپ كۆي بويىنشا جاعدايدىڭ ناقتى تۇراقتانۋى بايقالادى", - دەگەن ەدى.
دەسە دە, بۇل قاۋىپ جوق دەگەن ءسوز ەمەس. سوندىقتان, ءتيىستى شارالار ءالى دە قولدانىلا بەرەدى. ماسەلەن, ناۋقاستاردى كومپيۋتەرلىك توموگرافيا ارقىلى تەكسەرۋ تاۋلىك بويى ءجۇرىپ جاتىر. اۋرۋحانالاردا قوسىمشا ورىندار دايىندالىپ, وتتەگى كونتسەنتراتتارى مەن كومپيۋتەرلىك توموگرافتار ساتىپ الىندى. جاقىن ارادا ولاردىڭ سانى تاعى دا كوبەيەدى.
