ايماقتار • 29 شىلدە، 2020

"ارقان" جول ەرەجەسىن بۇزعانداردى ايامايدى

580 رەت كورسەتىلدى

باتىس قازاقستان وبلىستىق پوليتسيا دەپارتامەنتى ارقايسىسى 17 ملن تەڭگە تۇراتىن 6 دانا "ارقان" اۆتوماتتاندىرىلعان جۇيەسىنە يە بولدى. "ارقان" رادارى ورناتىلعان پوليتسيا كولىكتەرى ەندى ەلدىمەكەندەردەن تىسقارى جەردە جول قوزعالىسىن باقىلاپ، زاڭبۇزۋشىلىق وقيعالارى تۋرالى مالىمەتتى بىردەن ورتالىققا جىبەرىپ وتىرادى، - دەپ حابارلايدى Egemen.kz.

ورال-اتىراۋ كۇرە جولى بويىندا جاڭا قۇرىلعىنى ىسكە قوسىپ، جۋرناليستەرگە تانىستىرعان پوليتسيا قىزمەتكەرلەرى "ارقاننىڭ" بىرنەشە ارتىقشىلىعى بار ەكەنىن ايتادى.

- وزدەرىڭىز بىلەسىز، پاترۋلدىك پوليتسيا قۇرىلىمىندا سىبايلاس جەمقورلىقتى ازايتۋ ماقساتىندا ەلدى مەكەندەردە جىلدامدىق ولشەۋىش قۇرالدارىن پايدالانۋعا تىيىم سالىنعان بولاتىن. ءوڭىر باسشىلىعىنىڭ قولداۋىمەن جول قوزعالىسىن باقىلايتىن اۆتوماتتاندىرىلعان جۇيە جەلىسى كەڭەيىپ كەلەدى. بۇگىن ىسكە قوسىلعان "ارقان" اۆتوماتتاندىرىلعان جۇيەسى جىلدامدىقتى باقىلاۋعا، نومىرلىك بەلگىلەردى قاداعالاپ، ىشكى ىستەر ورگاندارىنا ۇرلانعان، قاماۋعا الىنعان جانە ىزدەۋدە جۇرگەن كولىك قۇرالدارىن تەكسەرۋگە مۇمكىندىك بەرەدى. "ارقان" جىبەرگەن بەينە اقپارات جەدەل باسقارۋ ورتالىعىنىڭ مونيتورىنان ۇزدىكسىز كورىنىپ تۇرادى. جىلدامدىقتى بۇزۋ كەزىندە بۇل جۇيەنىڭ باستى ارتىقشىلىعى – ەرەجە بۇزۋشىلىقتى مالىمەتتەر بازاسىنان جويۋ مۇمكىن ەمەس، پوليتسەي مەن جۇرگىزۋشى اراسىنداعى بايلانىس بولمايدى جانە قالا ماڭىنداعى جولداردىڭ كەز-كەلگەن ۋچاسكەسىن باسقارا الامىز، - دەيدى باتىس قازاقستان پوليتسيا دەپارتامەنتى باستىعىنىڭ ءبىرىنشى ورىنباسارى جانبولات جانشين.

سۋ جاڭا "Lada-Largus" اۆتوموبيلىنە ورناتىلعان "ارقان" قۇرىلعىسى جول قوزعالىسىن ۇزدىكسىز ءتۇسىرىپ، ونداعى كولىكتەردى ارنايى بازا ارقىلى تەكسەرىپ وتىرادى. ەگەر كولىك ۇرلانعان نەمەسە ىزدەۋدە جۇرگەن بولسا، كولىك يەسى ايىپپ ۇلىن ۋاقىتىندا تولەمەگەن ت.س.س. جاعدايدا، ينسپەكتورعا بەلگى بەرىلىپ، قۇقىقبۇزۋشىعا سول جەردە شارا قولدانىلادى. ال جىلدامدىقتى ارتتىرۋ، بەلدىك تاقپاۋ سياقتى ەرەجە بۇزۋشىلاردىڭ مالىمەتى بىردەن ورتالىق بازاعا جىبەرىلىپ، اۆتوماتتى تۇردە ايىپپۇل جازىلادى. بۇل ىسكە ءتىپتى ينسپەكتوردىڭ ءوزى ارالاسا المايدى.

جانبولات ءجانشيننىڭ ايتۋىنشا، وتكەن جىلمەن سالىستىرعاندا وڭىردە جولدا قازا تاپقان ادام سانى ازايعانىمەن، جول ەرەجەسىن بۇزۋشىلىق، جول-كولىك وقيعالارىنىڭ مولشەرى ءوسىپ كەلەدى ەكەن. "ارقاننىڭ" ارقاسىندا ەلدىمەكەندەردەن تىسقارى جەردە ءجيى بولاتىن اۋىر جول اپاتتارىنىڭ الدىن الىپ، جول ەرەجەسىن ءجيى بۇزاتىن جۇرگىزۋشىلەرگە توقتام سالىنباق.

 

باتىس قازاقستان

سوڭعى جاڭالىقتار

اشىقتىق – قوعام دامۋىنىڭ كەپىلى

ايماقتار • بۇگىن، 13:00

دوللار قايتا قىمباتتادى

ەكونوميكا • بۇگىن، 12:18

قايران قالدىرعان قايىڭدى

فوتوگالەرەيا • بۇگىن، 11:56

ۇقساس جاڭالىقتار