قازاقستان • 28 شىلدە، 2020

ەلىمىزدە 21 كولىك-لوگيستيكالىق ورتالىعى بار

49 رەت كورسەتىلدى

ەكونوميكانىڭ دامۋىن قامتاماسىز ەتۋ ءۇشىن لوگيستيكالىق ينفراقۇرىلىمنىڭ جانە كولىك سالاسىن تسيفرلاندىرۋدىڭ ءرولى ماڭىزدى. بۇل تۋرالى يدم ءباسپاسوز قىزمەتى حابارلايدى، دەپ جازادى Egemen.kz

قازىرگى ۋاقىتتا ەلدە 21 كولىك-لوگيستيكالىق ورتالىق جۇمىس ىستەيدى. اتاپ ايتقاندا، الماتى وبلىسىندا - 6 كلو، نۇر-سۇلتان قالاسىندا – 5، اقتوبە وبلىسىندا – 4، شىمكەنت قالاسىندا – 2، شقو– 1، ماڭعىستاۋ وبلىسىندا – 2، الماتى قالاسىندا-1.

سونداي-اق "قازاقستان تەمىر جولى" ۇك" اق ەلدىڭ ءىرى قالالارىندا (نۇر-سۇلتان، شىمكەنت، اقتاۋ، اقتوبە، اتىراۋ، قوستاناي، ورال، پاۆلودار جانە وسكەمەن) 9 كلو سالۋ جوسپارلانۋدا. قازىرگى ۋاقىتتا "KAZAKH INVEST" اق-مەن بىرلەسىپ كولىك-لوگيستيكالىق ورتالىقتار قۇرىلىسى ءۇشىن ينۆەستورلاردى تارتۋ بويىنشا جۇمىستار جۇرگىزىلۋدە.

2020-2025 جىلدارعا ارنالعان "نۇرلى جول" مەملەكەتتىك باعدارلاماسىن ىسكە اسىرۋ جونىندەگى ءىس-شارالار جوسپارىنا سايكەس، نۇر-سۇلتان قالاسىندا تاعى ءبىر كلو سالۋ كوزدەلگەن.

ەستەرىڭىزگە سالا كەتەيىك، قر يندۋستريا جانە ينفراقۇرىلىمدىق دامۋ مينيسترلىگى كەدەندىك ورگانداردى الدىن الا اقپاراتتاندىرۋ بويىنشا ترانزيتتىك راسىمدەردى جەڭىلدەتۋ اياسىندا اۋە، تەمىرجول جانە اۆتو كولىك ءۇشىن "e-Freight"، "قتج-جۇك تاسىمالى" جۇيەلەرى، "حالىقارالىق جول تاسىمالى" قازاقستاندىق اۆتوموبيل تاسىمالداۋشىلارى قاۋىمداستىعىنىڭ جۇيەسى جۇمىس ىستەيدى. جۇيە قر قارجى مينيسترلىگىنىڭ "استانا-1" كەدەن جۇيەسىمەن ينتەگراتسيالانۋ ۇدەرىسىنەن وتۋدە.

بۇدان باسقا، مينيسترلىك جۇك تاسىمالدارىن جۇرگىزۋ كەزىندەگى قاعازداعى قۇجات اينالىمىن الىپ تاستادى. وسىلايشا، قر يدم كولىك كوميتەتىنىڭ كولىكتىك دەرەكتەر بازاسىنىڭ اقپاراتتىق-تالداۋ جۇيەسى مەن ەلەكتروندىق ۇكىمەت پورتالىنىڭ (EGOV) ينتەگراتسياسىن جۇرگىزگەننەن كەيىن تاسىمالداۋشىلار جاقىندا قاعاز رۇقسات بەرۋ قۇجاتتارىن الىپ ءجۇرۋدىڭ قاجەتى جوق. سونداي-اق يدم اعىمداعى جىلدىڭ 15 ساۋىرىنەن باستاپ كولىكتىك باقىلاۋ بەكەتتەرىندەگى قاعاز رۇقساتتاردى تەكسەرۋدى توقتاتتى. وسى شارالاردىڭ بارلىعى جىلىنا ا4 فورماتىنداعى 65 مىڭنان استام قاعازدى ۇنەمدەۋگە مۇمكىندىك بەرەدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار