بۇل تۋرالى العاشقى حابار فەيسبۋك الەۋمەتتىك جەلىسىندە 1 ساعات بۇرىن پايدا بولدى. "سوعىس ارداگەرى, ەڭبەك ەرى, قازاقستانعا ەڭبەگى سىڭگەن مەتاللۋرگ, شقو قۇرمەتتى ازاماتى باقتىباەۆ قايروللا باقتىباي ۇلى ومىردەن ءوتتى" دەلىنگەن اقپاراتتا. حاباردى اتاقتى مەتاللۋرگتىڭ جەرلەسى ساعىنبەك اقانوۆ تاراتتى.
باقتىباەۆ قايروللا 20 قاڭتار 1925 جىلى تارباعاتاي اۋدانى ماڭىراق اۋىلىندا دۇنيەگە كەلگەن. كەڭەس وداعىنىڭ ەڭبەك ەرى, "لەنين", "قىزىل جۇلدىز" وردەندەرىنىڭ يەگەرى, رەسپۋبليكاعا ەڭبەگى سىڭگەن كەنشى, شىعىس قازاقستان وبلىسىنىڭ قۇرمەتتى ازاماتى.
95 جاسىندا ومىردەن وزعان اتاقتى كەنشىنىڭ زەردەسى ەلى مەن جۇرتىنا دەگەن ىستىق ىقىلاسقا تولى ەدى. رەسپۋبليكا حالقىنا, كەنشى ارىپتەستەرىنە, ەل بولاشاعىنىڭ جاقسىلىعىنا تىلەۋشى شىعىس بايتەرەگى سانالعان اعامىزدىڭ جانى ءجانناتتا بولسىن!
