ءبىلىم • 28 شىلدە، 2020

اسحات ايماعامبەتوۆ جوعارى وقۋ ورىندارىندا باعانى وسىرمەۋدى ۇسىندى

3801 رەت كورسەتىلدى

بۇگىن ءبىلىم ءمينيسترى اسحات ايماعامبەتوۆ مينيسترلىكتىڭ ونلاين جينالىسىندا جوو-نىڭ باسشىلارىنا ناقتى ەكى ماسەلە بويىنشا ۇسىنىس تاستادى، دەپ حابارلايدى Egemen.kz

اسحات ايماعامبەتوۆتىڭ ايتۋىنشا، پاندەميا سالدارىنان ەلدەگى احۋال قيىنداي ءتۇستى. ونىڭ ىشىندە ستۋدەنتتەر وقۋلارىن ۋاقتىلى تولەم جاساۋدا دا مۇمكىندەر ازايىپ وتىر. جالپى ەلدەگى ەكونوميكالىق جاعدايعا بايلانىستى جوو تاراپىنان ىزدەنۋشى جاستارعا قولداۋ جۇمىستارىن جۇرگىزۋدى جانە ناقتى ەكى ماسەلەگە توقتالعىسى كەلەتىنى تۋرالى مالىمدەدى.

"بىرىنشىدەن، قارىزدارى بار ستۋدەنتتەرگە ءبولىپ تولەۋ مۇمكىندىكتەرىن بەرۋ. ءبىز قازىر جۇرگىزىلگەن تالداۋدىڭ ناتيجەسىن كورىپ وتىرمىز. بىراق وسىنداي ماسەلەلەر بار. (...) سوندىقتان ءبولىپ تولەۋگە مۇمكىندىك قاراستىرۋلارىڭىزدى سۇرايمىن.

ەكىنشىدەن، ءبىز العان اقپاراتقا سايكەس، ءبىراز جوعارى وقۋ ورنى قازىر وقۋدىڭ باعاسىن كوتەرۋدى جوسپارلاپ وتىر ەكەن. سوندىقتان بۇل ماسەلە بويىنشا دا سىزدەرگە دەگەن ءبىر ءوتىنىش بار. ول ءوتىنىش – وسى احۋالدى بىلە وتىرىپ، جوعارى وقۋ ورىندارىندا باعانى وسىرمەۋ. بۇل – وتە ماڭىزدى. سوندىقتان بۇل ماسەلەنى قاراستىرىپ، ءتيىستى شەشىم قابىلدايدى عوي دەپ سەنەمىن"، دەيدى اسحات ايماعامبەتوۆ.

بۇدان بولەك، ءبىلىم ءمينيسترى ۆەدومستۆو تاراپىنان جوو-لاردى قولداۋ بويىنشا باعدارلاما دايىنداپ جاتقانىن جانە ول جوعارىدا اتالعان ماسەلەلەردى شەشۋگە كومەكتەسەتىنىن تىلگە تيەك ەتتى.

اسحات ايماعامبەتوۆ: "ول تەك قارجىلاي قولداۋ ماسەلەسى ەمەس، باسقا دا رەفورمالارعا بايلانىستى. وسى وزگەرىستەردى سىزدەرگە جەتكىزىپ، جۇمىس توبىن قۇرعان ەدىك. ونىڭ ىشىندە جوو-نىڭ ءبىلىمدى، بىلىكتى، تاجىريبەلى رەكتورلارى، ساراپشىلار قاتىسقان بولاتىن. سونىڭ ناتيجەسىندە ءبىراز شەشىم قابىلداۋعا دايىنبىز. بۇل شەشىمدەر دە جوو-نىڭ باسەكەگە قابىلەتتىلىگىن كوتەرۋگە كومەكتەسەدى جانە دە قارجى جاعىنا بايلانىستى ءبىراز مۇمكىندىك بەرەدى. (...) ءوز تاراپىمىزدان وسى وزگەرىستەردى جاريالايمىز. بۇل دا سىزدەرگە وسى جۇمىستاردى قولعا الىپ، شەشۋگە مۇمكىندىك بەرەدى دەپ ويلايمىن"، دەيدى ءبىلىم ءمينيسترى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار