قازاقستان • 28 شىلدە، 2020

قازاقستاندا كارانتين ەنگىزىلگەننەن باستاپ كۆي جاعدايلارى 29%-عا تومەندەدى

13 رەت كورسەتىلدى

قر پرەمەر-ءمينيسترى اسقار ءماميننىڭ توراعالىعىمەن وتكەن سەلەكتورلىق ۇكىمەت وتىرىسىندا ەپيدەميولوگيالىق جاعداي جانە كوروناۆيرۋس ينفەكتسياسىنا قارسى كۇرەس شارالارى قارالدى. ەلىمىز بويىنشا اعىمداعى جاعداي تۋرالى دەنساۋلىق ساقتاۋ ءمينيسترى الەكسەي تسوي بايانداپ بەردى، - دەپ حابارلادى Egemen.kz

مينيستر حابارلاعانداي، 5 شىلدەدە قاتاڭ كارانتيندىك شەكتەۋ شارالارى ەنگىزىلگەننەن باستاپ 3 اپتا ىشىندە 35 951 جاڭا كۆي-مەن اۋىرۋ تىركەلدى. جالپى، تىركەلگەن جاعدايلاردىڭ 29%-عا تومەندەۋى بايقالىپ وتىر. 

"COVID-19-بەن اۋىرۋ جاعدايى ورتا ەسەپپەن تاۋلىگىنە 1600 ادام دەڭگەيىندە تۇراقتاندى. سونداي-اق، كەرەۋەتتەردىڭ بوس بولماۋى 43%-عا، ونىڭ ىشىندە 27%-عا تومەندەۋى بايقالادى. ساۋىعىپ كەتكەندەردىڭ سانى 63%-عا دەيىن ءوستى. وسىلايشا، دەنساۋلىق ساقتاۋ جۇيەسىنە جۇكتەمەنىڭ نەگىزگى كورسەتكىشتەرىنىڭ تومەندەۋىنە قول جەتكىزىلدى"، — دەدى ا. تسوي. 

كارانتيندىك شارالاردى جەڭىلدەتۋدىڭ ازىرلەنگەن كريتەريلەرىنە سايكەس، مينيسترلىك ينفەكتسيانىڭ رەپرودۋكتيۆتىك كورسەتكىشىن ء(بىر ناۋقاس وقشاۋلانعانعا دەيىن اۋرۋدى جۇقتىراتىن ادامدار سانى) جانە كۆي ەمدەۋ ءۇشىن ينفەكتسيالىق ستاتسيونارلاردىڭ توسەك-ورىن قورىنىڭ قامتىلۋ پايىزىن قاداعالايدى.

وسىلايشا، 3 اپتادا كارانتين ناتيجەسىندە كەلەسىلەرگە قول جەتكىزىلدى. ينفەكتسيانىڭ رەپرودۋكتيۆتىك كورسەتكىشى 1،2%-دان 0،99%-عا دەيىن تومەندەدى. جانە توسەك-ورىنداردىڭ قامتىلۋ پايىزى 90%-دان 47%-عا دەيىن تومەندەدى.

وسىلايشا، دەنساۋلىق ساقتاۋ جۇيەسىنە تۇسەتىن جۇكتەمەنىڭ نەگىزگى كورسەتكىشتەرىنىڭ جوعارىدا كورسەتىلگەن وڭ سەرپىنى كارانتيندىك شارالاردى كەزەڭ-كەزەڭمەن جۇمسارتۋ مۇمكىندىگى بار ەكەنىن كورسەتىپ وتىر. 

"COVID-19-دان سىرقاتتانۋشىلىق پەن ءولىم-ءجىتىم جاعدايىن ودان ءارى تۇراقتاندىرۋ ەكونوميكانىڭ بارلىق سەكتورلارىنىڭ ۇيلەسىمدى جۇمىسىنا جانە تارتىلۋىنا بايلانىستى ەكەنىن ەرەكشە اتاپ وتكىم كەلەدى. اتاپ ايتقاندا: قابىلداناتىن تۇراقتاندىرۋ شارالارىنىڭ تيىمدىلىگى تەك قانا 30%-عا مەديتسينالىق كومەك پەن ەپيدەميولوگيالىق ءىس-شارالاردىڭ ساپاسىنا بايلانىستى"، — دەدى ۆەدومستۆو باسشىسى. 

سونىمەن قاتار، قالعان 70%-ى جيىنتىعىندا ماسكا رەجيمى مەن گيگيەنانى ساقتاۋعا (30%)، سونداي-اق الەۋمەتتىك قاشىقتىق نورمالارىن ساقتاۋعا (40%) بايلانىستى. 

مينيستر اتاپ وتكەندەي، بۇگىن بارلىق قازاقستاندىق قوعامعا كوروناۆيرۋس ەمەس، قاۋىپسىزدىك پەن سالاۋاتتى ادەتتەر «جۇقپالى» بولۋى ءۇشىن بارلىق شارالاردى قابىلداۋ قاجەت.

"ول ءۇشىن ەڭ الدىمەن ماسكا رەجيمى مەن گيگيەنانى ودان ءارى ساقتاۋدى قامتاماسىز ەتۋ قاجەت. ۇيدەن تىس جەرلەردە ماسكالاردى كيۋ ينفەكتسيانىڭ بەرىلۋىن 30%-عا قىسقارتادى. ينفەكتسيانىڭ تارالۋىندا قول گيگيەناسى ەرەكشە ءرول اتقارادى"، — دەدى ا. تسوي.

وسىعان بايلانىستى: 

بىرىنشىدەن، مۇددەلى مۇ مەن جاو-دى تارتا وتىرىپ، ماسكا رەجيمىن ساقتاۋ ءۇشىن بيزنەستىڭ باقىلاۋىن جانە جاۋاپكەرشىلىگىن كۇشەيتۋ (قاۋىپسىزدىك بەلدىگىن مىندەتتى تۇردە قولدانۋ مىسالىندا).

ەكىنشىدەن، بارلىق قوعامدىق ورىنداردا قولدى زالالسىزداندىرۋ ءۇشىن سانيتايزەرلەر ورناتۋدى قامتاماسىز ەتۋ. 

ۇشىنشىدەن، بارلىق اقپاراتتىق ارنالار ارقىلى حالىقپەن اقپاراتتىق-ءتۇسىندىرۋ جۇمىستارىن جۇرگىزۋدى قامتاماسىز ەتۋ. 

سونداي-اق، الەۋمەتتىك قاشىقتىق قاعيداتى ساقتالۋى ءتيىس، ول مىنالاردى قامتيدى:

  • كەڭسەلەردىڭ قاشىقتان جۇمىسىن (20/80 قاتىناسىندا) جانە وقۋشىلار مەن ستۋدەنتتەردى قاشىقتىقتان وقىتۋدى.

  • ماسكا رەجيمىن جانە الەۋمەتتىك قاشىقتىقتى ساقتاۋ مۇمكىن ەمەستىگىنە بايلانىستى بۇقارالىق ءىس-شارالاردىڭ بارلىق تۇرلەرىنە تىيىم سالۋ.

  • باقىلاۋدى كۇشەيتە وتىرىپ، زونالاۋدى، بەلگىلەۋدى جانە وبەكتىلەردىڭ تولتىرىلۋىن ساقتاۋدا بيزنەستىڭ جاۋاپكەرشىلىگىن ارتتىرۋ.

بۇل شارالار بارلىق اقپاراتتىق ارنالار بويىنشا حالىق اراسىندا كۇشەيتىلگەن اقپاراتتىق-ءتۇسىندىرۋ جۇمىسىن جۇرگىزۋمەن سۇيەمەلدەنۋى ءتيىس.

ا. تسويدىڭ ايتۋىنشا، وسىلايشا، كۇشەيتىلگەن سانيتارلىق-دەزينفەكتسيالىق رەجيمدى ساقتاۋ، ماسكا تاعۋ جانە الەۋمەتتىك ارا قاشىقتىقتى ساقتاۋ جاعدايىندا 2020 جىلعى 3 تامىزدان باستاپ ينفەكتسيانىڭ رەپرودۋكتيۆتىلىك كورسەتكىشىنە كەمىندە (R ≤ 1) جەتكەن كەزدە، سونداي-اق ءبىر اپتا ىشىندە توسەك-ورىنداردىڭ قامتىلۋ كورسەتكىشى 70%-دان از جانە ءولىم-ءجىتىم دەڭگەيى تومەندەگەن كەزدە مىناداي ينفراقۇرىلىمدىق وبەكتىلەردىڭ قىزمەتىنە رۇقسات ەتىلەدى: 

  • ۋاقىتى مەن كۇندەر بويىنشا شەكتەۋلەرمەن ساۋدا-ويىن-ساۋىق ورتالىقتارى، ساۋدا ۇيلەرى، ساۋدا جەلىلەرى، جابىق ازىق-ت ۇلىك، ازىق-ت ۇلىكتىك ەمەس بازارلار;

  • بالالارعا ارنالعان تۇزەتۋ كابينەتتەرى، ءبىلىم بەرۋ ورتالىقتارى، بالالاردى دامىتۋ ورتالىقتارى، توپتاردا 5 ادامنان اسپايتىن ۇيىرمەلەر;

  • كەزەكشى توپتار رەجيمىندەگى مەكتەپكە دەيىنگى بالالار مەكەمەلەرى;

  • سۇلۋلىق سالوندارى، شاشتارازدار، كوسمەتيكالىق جانە كوسمەتولوگيالىق قىزمەت كورسەتەتىن ورتالىقتار مەن سالوندار، الدىن الا جازىلۋ بويىنشا مانيكيۋر جانە پەديكيۋر سالوندارى;

  • قاشىقتىقتان جۇمىس ىستەۋ فورماسى مەملەكەتتىك ورگانداردىڭ (ۇيىمداردىڭ) قىزمەتكەرلەرى مەن كەڭسە قىزمەتكەرلەرىنىڭ كەمىندە 80%-ى ءۇشىن ساقتالۋى ءتيىس.

دەنساۋلىق ساقتاۋ ءمينيسترى الەۋمەتتىك قاشىقتىقتى ساقتاي وتىرىپ، اشىق اۋادا جەكە جانە توپتىق جاتتىعۋلار جاساۋعا رۇقسات ەتىلەتىنىن اتاپ ءوتتى. سونداي-اق ۇلتتىق قۇرامالار ءۇشىن 30 ادامنان اسپايتىن قۇراممەن سپورتتىق جاتتىعۋلار جاساۋعا بولادى.

حالىقتىڭ ءجۇرىپ-تۇرۋىنا قاتىستى مىناداي تالاپتار ساقتالادى:

  • كوشەلەردە ءجۇرۋ، ساياباقتارعا، سكۆەرلەرگە جانە جاعالاۋلارعا بارۋ — 3 ادامنان اسپاۋى ءتيىس;

  • قوعامدىق كولىكتىڭ ماسكا تاعۋ، سانيتارلىق-دەزينفەكتسيالىق رەجيمدى ساقتاۋ جانە كوندۋكتورلاردىڭ بولۋىمەن، ۋاقىت بويىنشا شەكتەۋلەردى ساقتاي وتىرىپ جانە جولاۋشىلاردى 50%-دان اسىرماي جۇمىس ىستەۋى.

سونىمەن قاتار سالىنعان تىيىمداردى ساقتاۋ قاجەت:

  • كوپشىلىكتىڭ قاتىسۋىمەن وتەتىن ءىس-شارالاردىڭ بارلىق تۇرلەرىنە، ويىن-ساۋىق مەكەمەلەرىنىڭ، كينوتەاترلاردىڭ، فۋدكورتتاردىڭ، بانكەت زالدارىنىڭ جۇمىسىنا;

  • مەيرامحانالار، بارلار، تۇنگى جانە ويىن كلۋبتارىنىڭ جۇمىسىنا;

  • مادەنيەت نىساندارىنىڭ، مۋزەيلەردىڭ جۇمىسىنا، كونفەرەنتسيالار، كورمەلەر، فورۋمدار وتكىزۋگە;

  • سپورت زالدارىنىڭ، فيتنەس-ورتالىقتاردىڭ، باسسەيندەردىڭ، اكۆاپارك جاعاجايلارىنىڭ جۇمىسىنا;

  • ءدىني نىساندار جۇمىسىنا;

  • قالا ماڭىنداعى جولاۋشىلار پويىزدارىنىڭ (جۇمىس پويىزدارىنان باسقا، ەلەكتريچكالاردىڭ) قوزعالىسىنا، ورتاق ۆاگونداردى، قالاارالىق اۆتوبۋستاردى (شاعىن اۆتوبۋستاردى) قالىپتاستىرۋعا.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار