– جەدەل جاردەمگە سۇرانىس تاۋلىگىنە 1400 شاقىرتۋعا دەيىن ءوستى. مىسالى, 7 شىلدە كۇنى 1680 ادام جەدەل جاردەم قىزمەتىن شاقىرتقان. پاندەميا بەلەڭ العاننان بەرگى باسقا كۇندەرى 1100-1300 قوڭىراۋعا دەيىن قابىلدانعان ەدى. ال كارانتين باستالعانعا دەيىن ورتاشا ەسەپپەن تاۋلىگىنە نەبارى 760-اق ادام جەدەل جاردەم شاقىرتاتىن, – دەگەن بولاتىن ۆ.دۋدنيك.
كەشە باسقارمانىڭ ءباسپاسوز قىزمەتى سوڭعى كۇندەرى جەدەل جاردەم شاقىرتۋلارىنىڭ بىرتىندەپ ازايىپ كەلە جاتقانىن مالىمدەدى. ءباسپاسوز حاتشىسى كسەنيا جىلقىباەۆانىڭ حابارلاۋىنشا, 15 شىلدەدەن باستاپ جەدەل جاردەم قىزمەتىنە ءتۇسىپ جاتقان قوڭىراۋلار سانى ورتا ەسەپپەن تاۋلىگىنە 5%-عا تومەندەپ وتىر. ماسەلەن, كەشە جەدەل جاردەم ستانساسىنىڭ فەلدشەرلەرى 1033 شاقىرتۋ العان.
– بۇل – 1-شىلدەدەن بەرى تىركەلگەن ەڭ تومەنگى كورسەتكىش. ءبىزدىڭ ەسەپتەۋىمىزشە, تۇرعىنداردىڭ جەدەل جاردەم قىزمەتىنە دەگەن سۇرانىسى 20%-عا تومەندەپ وتىر, – دەدى ك. جىلقىباەۆا.
قوستاناي وبلىسى
