دەپارتامەنتتىڭ جاڭا باسشىسىمەن قوستانايعا جۇمىس ساپارىمەن كەلگەن ىشكى ىستەر ءمينيسترىنىڭ ورىنباسارى يۋ.ۆ. يلين تانىستىردى. ازاماتتىق قورعانىس پولكوۆنيگى ب.ت. كارىموۆ بۇعان دەيىن قاراعاندى وبلىسىندا توتەنشە جاعداي دەپارتامەنتى باستىعىنىڭ ورىنباسارى قىزمەتىن اتقارعان.
ايماققا جۇمىس ساپارى بارىسىندا ىشكى ىستەر ءمينيسترىنىڭ ورىنباسارى يۋ.يلين وبلىس باسشىسى ا.مۇحامبەتوۆپەن كەزدەسىپ, بىرقاتار ماسەلەلەردى تالوقىلادى. كەزدەسۋ مازمۇنى جونىندە وبلىس اكىمى الەۋمەتتىك جەلىدەگى جەكە پاراقشاسىندا: "بۇگىن قر ىشكى ىستەر ءمينيسترىنىڭ ورىنباسارى يۋ.ۆ. يلينمەن كەزدەسۋ وتكىزىپ, توتەنشە جاعدايلاردى جويۋدىڭ الدىن الۋ, ءورت ءسوندىرۋ, سۋعا شومىلۋ ماۋسىمىندا قاۋىپسىزدىك, قىس جانە سۋ تاسقىنى كەزەڭىنە دايىندىق ماسەلەلەرىن تالقىلادىق. تج ورگاندارىنا ماتەريالدىق-تەحنيكالىق قامتاماسىز ەتۋگە 2019 جىلى 307 ملن تەڭگە ءبولىندى, ال 2020 جىلدىڭ ءبىرىنشى جارتىجىلدىعىنا 359 ملن. تەڭگە ءبولىندى. سونىمەن قاتار, جۇمىسپەن قامتۋ جول كارتاسى باعدارلاماسى اياسىندا 4 دامبانىڭ قۇرىلىسى جۇرگىزىلۋدە, ول اعىمداعى جىلى اياقتالادى", دەپ جازدى.
