"ەنتىگۋ, تىنىس الۋدىڭ قيىنداۋى, كەۋدە قۋىسىنىڭ اۋىرۋى, قانداعى وتتەگى دەڭگەيىنىڭ تومەندەۋى سياقتى بەلگىلەر بولعان جاعدايدا دەرەۋ ۋچاسكەلىك دارىگەرمەن بايلانىسۋ نەمەسە جەدەل جاردەمگە قوڭىراۋ شالۋ قاجەت. كومپيۋتەرلىك توموگرافيا كابينەتتەرىنىڭ وتكىزۋ قابىلەتىن دە ەسكەرۋ قاجەت – ءار پاتسيەنتتەن كەيىن سانيتارلىق وڭدەۋ جۇرگىزۋ قاجەت, بۇل كەزەك كۇتۋ ۋاقىتىن ارتتىرادى. وسىعان بايلانىستى, مىسالى, نۇر-سۇلتاندا كت جۇمىسىن تاۋلىك بويى رەجيمىنە اۋىستىردى", - دەدى ب. توكەجانوۆ.
ونىڭ ايتۋىنشا, قازىر ەلىمىزدە 135 توموگراف جۇمىس ىستەيدى. شىلدە ايىندا نۇر-سۇلتان قالاسى كت 2 اپپاراتىن, الماتىدا 1 اپپارات بار, تاعى ءتورت وبلىس ءۇشىن 7 اپپارات ساتىپ الىنادى. قوسىمشا 17 تەحنيكا بىرلىگى بار.
"جارتى جىل قورىتىندىسى بويىنشا 1,6 ملرد تەڭگە سوماسىنا كت-نىڭ 135 778 قىزمەتى كورسەتىلگەن. ءبىر سۋرەتتىڭ قۇنى قورعا 7 215 تەڭگە, ال كونتراستاۋ بويىنشا 27,5 مىڭ تەڭگە تۇرادى. بىراق تىنىس الۋ جولدارىنىڭ اۋرۋلارىن دياگنوستيكالاۋ ءۇشىن حاتتاماعا جوعارى رۇقساتى بار ساندىق رەنتگەنوگرافيا اپپاراتتارى ەنگىزىلگەن. بۇگىنگى تاڭدا ەلىمىزدە 3 مىڭنان استام رەنتگەن-اپپارات جۇمىس ىستەيدى, ونىڭ 1118-ءى جىلجىمالى, ولار اۋىلدا دياگنوستيكالىق قىزمەت كورسەتۋ ءۇشىن قولدانىلاتىن بولادى. اۋداندىق اۋرۋحانالار ءۇشىن تاعى 53 رەنتگەن اپپاراتى ساتىپ الىنۋدا", دەدى ول.
قوسىمشا 100 جىلجىمالى ءموبيلدى كەشەندى جەتكىزۋ جوسپارلانۋدا, ولار بارلىق قاجەتتى جابدىقتارمەن, ونىڭ ىشىندە اۋىل تۇرعىندارىن تەكسەرۋگە ارنالعان رەنتگەن-اپپاراتتارمەن تولىقتىرىلادى.
