سونداي-اق, پروۆيزورلىق ستاتسيونارلاردا توسەك-كۇن سانى ايتارلىقتاي ءوستى: ناۋرىز ايىندا 21 مىڭنان 100 مىڭ توسەك-كۇنگە دەيىن.
"مەديتسينالىق كومەك ساپاسىن جاقسارتۋ ءۇشىن شىلدە ايىندا مەديتسينالىق ۇيىمدار ءۇشىن تاريفتەر ارتتى. ەندى قور تاراپىنان پروۆيزورلىق ستاتسيوناردا ءاربىر توسەك-كۇن ءۇشىن 22 مىڭ تەڭگە, تاۋلىك بويى ستاتسيونارلاردا بولۋ ءۇشىن 32 مىڭ تەڭگە, ناۋقاستى انەستەزيولوگيا, رەانيماتسيا جانە قارقىندى تەراپيا بولىمشەسىندە ەمدەۋ ءۇشىن – توسەك-كۇن ءۇشىن 70 مىڭ تەڭگە", دەدى ب. توكەجانوۆ.
اتالعان قىزمەتتەر ءتاريفىن ارتتىرۋ قور جەتكىزۋشىلەرىنىڭ سانىن كەڭەيتۋگە, كوروناۆيرۋس پەن پنەۆمونيا بار پاتسيەنتتەردى ەمدەۋگە جەكە اۋرۋحانالاردى بەلسەندى تارتۋعا, سونداي-اق ستاتسيونارلارداعى مەديتسينالىق كومەكتىڭ ساپاسىن ىنتالاندىرۋعا مۇمكىندىك بەرەدى.
سونداي-اق, مەديتسينالىق ساقتاندىرۋ قورى ستاتسيونارلار مەن ەمحانا دارىگەرلەرىنىڭ جولدامالارى بويىنشا 300 مىڭعا جۋىق پتر زەرتتەۋلەرىنە 3,5 ملرد تەڭگەدەن استام سوماعا تولەم جاسادى.
"كوروناۆيرۋسپەن كۇرەس شارالارىنا بارلىعى 56,7 ملرد.تەڭگە باعىتتالدى. حالىققا كومەك كورسەتۋ ءۇشىن 630 جەتكىزۋشىمەن, ونىڭ ىشىندە 13,4 ملرد.تەڭگە سوماسىنا مەديتسينالىق كومەك كورسەتۋدى قوسا العاندا, ستاتسيونارلاردا ەمدەلۋگە, ەرەكشە ەڭبەك جاعدايلارى ءۇشىن مەديتسينا قىزمەتكەرلەرىنە ۇستەمەاقى تولەۋگە – 38,1 ملرد. تەڭگە, پتر-دياگنوستيكاعا – 5,2 ملرد. تەڭگە سوماسىنا شارتتار جاسالدى", دەدى ماسق باسشىسى.
