قازاقستان • 27 شىلدە، 2020

اگرارلىق نەسيە كورپوراتسياسى 4913 اۋىل شارۋاشىلىعى تاۋار وندىرۋشىلەرىن قارجىلاندىردى

126 رەت كورسەتىلدى

اعىمداعى جىلدىڭ قورىتىندىسى بويىنشا وتاندىق كاسىپكەرلەر جالپى سوماسى 148،4 ملرد تەڭگە كولەمىندەگى نەسيە راسىمدەدى. مەملەكەتتىك قولداۋ شارالارىنىڭ ارقاسىندا جەڭىلدەتىلگەن نەسيە بەرۋ باعدارلامالارى ارقىلى ەلدە 12571 جۇمىس ورنى قارجىلاندىرىلسا، تاعى 3798 جاڭا جۇمىس ورنى اشىلادى، دەپ حابارلايدى Egemen.kz

"قازاگرو" حولدينگىنىڭ "اگرارلىق نەسيە كورپوراتسياسى" اق-نان نەسيە الىپ، تومەنگى پايىزدىق مولشەرلەمە بويىنشا كاسىپكەرلەر مال، اۋىل شارۋاشىلىعى تەحنيكاسىن، قۇرال-جابدىقتار ساتىپ الدى، اينالىم قاراجاتىن تولىقتىرعان، وندىرىستىك نىسانداردى سالىپ جانە جاڭعىرتۋعا كىرىستى.

"پاندەمياعا قاراماستان، اۋىل شارۋاشىلىعى سالاسىن قارجىلاندىرۋ ۇزدىكسىز جۇرگىزىلۋدە. ونىڭ ىشىندە: 38،5 مىڭ باس ءىرى قارا، 84،3 مىڭ ۇساق مال، 20،8 مىڭنان استام جىلقى، 1402 تۇيە جانە 90 شوشقا. سونداي-اق، مىڭنان استام بىرلىك اۋىل شارۋاشىلىعى تەحنيكاسى مەن 312 بىرلىك قۇرال-جابدىقتار ساتىپ الىندى. اينالىم قاراجاتىن تولىقتىرۋعا 98،1 ملرد تەڭگە سوماسىندا قاراجات ءبولىندى"، دەپ ناقتىلادى "اگرارلىق نەسيە كورپوراتسياسى" اق باسقارما توراعاسى باعلان قۇلتاەۆ.

اوك سالاسىن قارجىلاندىرۋ كوشباسشىسىنا نەسيە بەرۋ باعدارلامالارى اۋىل كاسىپكەرلەرى اراسىندا كەڭ سۇرانىسقا يە. ايتالىق، كوكتەمگى دالا جۇمىستارى "كەڭ دالا" جانە "قاراپايىم زاتتار ەكونوميكاسى" باعدارلاماسى بويىنشا 81 ملرد تەڭگەدەن استام سوماعا قارجىلاندىرىلسا، 27 ملرد تەڭگەدەن استام نەسيە "اگروبيزنەس" باعدارلاماسى بويىنشا بەرىلدى، 3،3 ملرد تەڭگەگە "سىباعا" باعدارلاماسى بويىنشا مال ساتىپ الىنۋعا جۇمسالعان جانە 16،6 ملرد تەڭگەگە جۋىق قاراجات "قاراپايىم زاتتار ەكونوميكاسى" باعدارلاماسى شەڭبەرىندە بەرىلدى. ودان بولەك، "ىسكەر" باعدارلاماسى بويىنشا الەۋمەتتىك وسال ازاماتتار قاتارىنداعى كاسىپكەرلەر اراسىندا تانىمال، ولاردى قولداۋعا 4 ملرد تەڭگەدەن استام سوماعا نەسيە بەرىلدى.

تاعى ءبىر ماعىزدى اقپارات، اگرارلىق نەسيە كورپوراتسياسى جەكە قارجى ينستيتۋتتارىن ا/ش سالاسىن قارجىلاندىرۋعا بەلسەندى تۇردە تارتۋدا. وسىلايشا، جارتى جىلدىقتىڭ قورىتىندىسى بويىنشا قوعامنىڭ تىكەلەي نەسيە بەرۋ ۇلەسىنە نەبارى 35% تيەسىلى، قالعان 65%-ى كرەديتتىك سەرىكتەستىكتەردى قورلاندىرۋ قۇرالدارى، ەدب، مقۇ، ايو جانە ليزينگتىك كومپانيالار ارقىلى ىسكە اسىرىلدى. مۇنداي ءتاسىل شالعاي اۋىلداردا دا جۇمىس ىستەيتىن فەرمەرلەردىڭ قارجىعا قول جەتكىزۋىن قامتاماسىز ەتۋگە مۇمكىندىك بەردى. سونداي-اق بۇل ءوز كەزەگىندە، اۋىلدى جەرلەردەگى شوب سەگمەنتىن دامىتۋعا ايتارلىقتاي كومەكتەسەتىنى انىق.

ماڭىزدىسى، اۋىل شارۋاشىلىعى تاۋار وندىرۋشىلەردى قارجىلاندىرۋ وڭىرلەردە مۋلتيپليكاتيۆتىك ەكونوميكالىق ناتيجە بەرۋدە. مىسالى، سەمەي قالاسىنداعى "ماكاي" جشس وسىمدىك مايى مەن كۇنجارا وندىرەتىن زاۋىتى. بيىل كاسىپورىن "اگروبيزنەس" باعدارلاماسى بويىنشا اينالىم قاراجاتىن تولىقتىرۋعا نەسيە الدى. بولىنگەن قاراجاتقا كومپانيا جەرگىلىكتى شارۋا قوجالىقتارىنان كۇنباعىس تۇقىمىن ساتىپ الىپ، مايلى ونىمدەردى وتكىزۋ بويىنشا شارۋالاردىڭ ماسەلەسىن شەشسە، ءبىر جاعىنان ءونىمنىڭ شيكىزات كۇيىندە شەت ەلگە شىعۋىن ازايتتى. ەسەسىنە كومپانيا دايىن ءونىمدى جەرگىلىكتى نارىقتا تابىستى ساتىپ جانە قىتايعا، وزبەكستانعا جانە رەسەيگە ەكسپورتتاي باستادى. سونداي-اق، زاۋىت قوسىمشا جابدىقتار مەن ارنايى تەحنيكا ساتىپ العان جانە قازىر وندىرىستىك تسيكلدا تاۋلىگىنە 50 توننا ءونىم شىعاراتىن 60 قىزمەتكەر جۇمىس ىستەيدى.

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار