الەم • 27 شىلدە، 2020

قىتايدا اقش-تىڭ باس كونسۋلدىعى جابىلدى

46 رەت كورسەتىلدى

قىتاي تاراپىنىڭ تالاپتارىنا سايكەس، اقش-تىڭ چەندۋ قالاسىنداعى باس كونسۋلدىعى رەسمي تۇردە جابىلدى. بۇل تۋرالى قىتايدىڭ سىرتقى ىستەر مينيسترلىگى مالىمدەيدى، دەپ جازادى Egemen.kz

"2020 جىلدىڭ 27 شىلدە كۇنى ساعات 10.00-دە (نۇر-سۇلتان ۋاقىتىمەن 08.00-دە) قىتاي تاراپىنىڭ تالاپتارىنا سايكەس، اقش-تىڭ چەندۋ قالاسىنداعى باس كونسۋلدىعى جابىلدى"، دەلىنگەن قحر ءسىم سايتىندا جاريالانعان مالىمدەمەسىندە.

بۇدان كەيىن قىتايدىڭ قۇزىرلى ورگان وكىلدەرى باس كونسۋلدىقتى ءوز قاراماعىنا الدى.

چەندۋدە اقش-تىڭ باس كونسۋلدىعى 1985 جىلى اشىلعان. ول ەلدىڭ وڭتۇستىك-باتىسىنا، سونىڭ ىشىندە سىچۋان، يۋننان پروۆينتسيالارىنا، گۋيچجوۋ، تيبەت اۆتونومدى اۋدانىنا، سونداي-اق چۋنتسين ورتالىقتاعى باعىنىشتى قالاسىنا جاۋاپتى ەدى.

اقش 21 شىلدە كۇنى قىتايدان حيۋستونداعى باس كونسۋلدىقتى جابۋدى تالاپ ەتتى. قىتاي بيلىگى بۇل شەشىمدى ساياسي ارانداتۋشىلىق دەپ اتادى جانە جاۋاپتى ارەكەتتەر قابىلدايتىنىن مالىمدەدى. اقش مەملەكەتتىك دەپارتامەنتىنىڭ رەسمي وكىلى مورگان ورتاگۋس ۆاشينگتون امەريكالىقتاردىڭ زياتكەرلىك مەنشىگى مەن جەكە اقپاراتتارىن قورعاۋدى قامتاماسىز ەتۋ ءۇشىن حيۋستونداعى قىتايدىڭ باس كونسۋلدىعىن جابۋدى تاپسىردى.

الىپتار تەكەتىرەسى توقتاماق ەمەس. سەبەبى 24 شىلدەدە قحر ءسىم سىچۋان پروۆينتسياسىنىڭ چەندۋ قالاسىنداعى اقش-تىڭ باس كونسۋلدىعى ءوز قىزمەتىن توقتاتۋدى تالاپ ەتتى. سىرتقى ساياسي ۆەدومستۆو قحر-نىڭ چەندۋدەگى امەريكاندىق ديپلوماتيالىق وكىلدىكتى جابۋ تۋرالى تالاپتارىن زاڭدى جانە قاجەتتى جاۋاپ دەپ اتادى. قىتاي بيلىگى ەلدىڭ سىرتقى ىستەرىندە تۋىنداعان جاعداي ءۇشىن بارلىق جاۋاپكەرشىلىكتى ۆاشينگتون تولىعىمەن ءوز موينىنا الۋىن تالاپ ەتەدى.

سوڭعى جاڭالىقتار

ۇقساس جاڭالىقتار