جوبا بويىنشا قازىرگى تاڭدا 36 704 توننا ءبىرىنشى ءونىم جينالعان. ەكىنشى ءونىم ەگۋ بويىنشا 404 شارۋاشىلىق 921 گەكتار جەرگە ەگىس ەگۋ جۇمىستارىن اياقتاپ وتىر.
ماسەلەن, قۇركەلەس اۋىلىنداعى "گۇلشان اپا" شارۋا قوجالىعى 2 گەكتار جەردىڭ 1,2 گەكتارىنا قىرىققابات, 80 سوتىعىنا بايالدىر ەككەن. بۇل ەكىنشى ءونىم. سونداي-اق اۋداندا قارقىندى باۋ شارۋاشىلىعى مەن جىلىجاي مول ءونىم بەرۋدە. ەڭ ۇلكەن قارقىندى باۋ – "اگروفۋد قازاقستان" جشس 215 گەكتار جەرىنىڭ 92 گەكتارىنا - الما, 70 گەكتارىنا - شابدالى, 22 گەكتارىنا - الشا, 13 گەكتارىنا الحورى وسىرۋدە. تامشىلاتىپ سۋارۋ تەحنولوگياسى ەنگىزىلگەن قارقىندى باۋدان بىلتىر جالپى 550 توننا ءونىم الىنسا, بيىل قازىرگە دەيىن 160 توننا جەمىس جينالعان. سەرىكتەستىكتە تۇراقتى 100 ادام جۇمىسپەن قامتىلعان. ماۋسىم كەزىندە 170 ادام جۇمىس ىستەيدى. ال جىلىجايلاردان اۋداندا جالپى 64 860 توننا ءونىم جينالعان.
