1994 جىلى برازيليادا تۋىپ-وسكەن ساۆيو 2012-2016 جىل ارالىعىندا ءوز ەلىندەگى «بوتافوگو» كلۋبىندا ونەر كورسەتتى. كلۋبپەن كەلىسىمشارتى اياقتالعاننان كەيىن تاسقامال قورعاۋشى ۆالادارەس 2017 جىلى رۋمىنياعا قونىس اۋداردى. سول ەلدىڭ Informatica Timisoara كومانداسىندا ەكى جىل دوپ تەۋىپ, رۋمىنيا ازاماتتىعىن الدى. ارادا ءبىر جىل وتكەندە ول رۋمىنيانىڭ قۇراماسىمەن بىرگە 2018 جىلى سلوۆەنيادا وتكەن الەم چەمپيوناتىنا قاتىستى. كەيىنگى ءبىر جىلدا ساۆيو ۆالادارەس Imperial Wet كلۋبىندا وينادى. كلۋب ءباسپاسوز قىزمەتىنىڭ حابارلاۋىنشا, رۋمىنيالىق فۋتبولشى الداعى ەكى جىلدا «قايرات» كلۋبىنىڭ نامىسىن قورعايدى.
پاندەمياعا بايلانىستى ۋاقىتشا توقتاتىلعان چەمپيوناتتىڭ قاشان باستالاتىنى ازىرگە بەلگىسىز. تۋرنير كەستەسىندە الماتىلىق ۇجىم 16 كەزدەسۋدەن كەيىن 44 ۇپايمەن كوش باستاپ تۇر. ەكىنشى ورىندا كەلە جاتقان «اقتوبە» 36 ۇپايدى ەنشىلەپ وتىر. الايدا ولاردىڭ «قايراتتان» ءتورت كەزدەسۋى ارتىق.
