ساياسات • 27 شىلدە، 2020

پولشا ايەلدەردى قورعاۋ كەلىسىمىنەن باس تارتتى

8 رەت كورسەتىلدى

پولشا «ىستانبۇل كونۆەنتسياسى» دەپ اتالاتىن ەۋروپانىڭ ايەلدەردى قورعاۋ كەلىسىمىنەن شىعاتىنىن حابارلادى. ادىلەت ءمينيسترى زبيگنەۆ زەبرو كەلىسىمنىڭ پايداسىز ەكەنىن، سونىمەن بىرگە مەكتەپتەردە بالالارعا جىنىس ساۋاتتىلىعىن وقىتۋدى مىندەتتەيتىنىن ايتتى.

ادىلەت ءمينيسترى سوڭعى جىلدارى ەلدە قابىلدانعان رەفورمالاردىڭ ايەل قۇقىقتارىن قورعاپ، زورلىق-زومبىلىقتىڭ ازايۋىنا سەپتىگىن تيگىزگەنىن جەتكىزدى. الايدا مىڭداعان پولياك ايەلى بۇل جاڭالىققا نارازىلىعىن ءبىلدىرىپ، كوشەگە شىقتى. 

ۆەدومستۆو باسشىسىنىڭ ايتۋىنشا، 2015 جىلى راتيفيكاتسيالانعان قۇجاتتىڭ كۇشىن توقتاتۋ پروتسەسى بۇگىن قولعا الىنباق. وعان قوسا مالىمدەمە بارىسىندا كونۆەنتسيانىڭ اتا-انا قۇقىعىنا نۇقسان كەلتىرەتىنىن، يدەولوگياعا دا اسەر ەتەتىنىن ەسكەرتىپ ءوتتى. بيلىكتەگى «زاڭ جانە ادىلەت» پارتياسى مەن كاتوليك شىركەۋى ءداستۇرلى وتباسى قۇندىلىقتارىن دارىپتەۋدى تەز ارادا قولعا الاتىنىنا ءسوز بەردى.

 

 

سوڭعى جاڭالىقتار

ۇقساس جاڭالىقتار