ايماقتار • 27 شىلدە، 2020

اتىراۋداعى احۋال وڭالىپ كەلەدى

1707 رەت كورسەتىلدى

اتىراۋدىڭ بۇگىنگى ەپيدەميالىق احۋالىندا وڭ وزگەرىس بار ما؟ وسى كەزگە دەيىن ەلدى الاڭداتقان ماسە­لەلەردىڭ ءتۇيىنى تارقاتىلدى ما؟ جالپى وڭىردەگى بۇگىنگى احۋال قالاي قالىپتاسىپ وتىر؟ مۇنىڭ ءبارى وتكەن سەنبىدە پرەمەر-ءمينيستردىڭ ورىنباسارى ەرالى توعجانوۆتىڭ مۇنايلى ايماققا ساپارى كەزىندە كەڭىنەن تالقىعا ءتۇستى.

 

بىرىنشىدەن، ءدارىحانالاردى دا، ەمدەۋ ورىندارىن دا ءدارى-دارمەكپەن قامتۋ جولعا قويىلدى. وڭىرگە اپتا سايىن 338 ءتۇرلى پرەپارات جەتكىزىلۋدە. بۇعان قوسا دارىحانالارعا سوڭعى ەكى اپتادا 80 توننا ءدارى-دارمەك اكەلىندى. قازىر مەديتسينالىق مەكەمەلەردە ءدارى-دارمەكتىڭ ءبىر ايلىق قورى بار. الايدا، ەڭ قاجەتتى سەگىز ءدارىنىڭ قورى ءبىر اپتاعا عانا جەتەدى. ال «سق-فارماتسيا» جشس-ءنىڭ باسقارما توراعاسى ەرحات يسقاليەۆ بۇل ماسەلەنى ءۇش كۇننىڭ ىشىندە شەشۋگە ۋادە بەرىپ وتىر. وسىعان وراي، پرەمەر-ءمينيستردىڭ ورىنباسارى ەرالى توعجانوۆ «سك-فارماتسيا» جشس-نە وبلىس اكىمدىگىمەن بىرگە ءدارى-دارمەكتەردىڭ ءۇش ايلىق قورىن قالىپتاستىرۋدى تاپسىردى. سونىمەن بىرگە مەديتسينالىق مەكەمەلەردى وكپەنى جاساندى جەلدەتۋ اپپاراتتارىمەن، وتتەگى كونتسەنتراتورىمەن تولىق جابدىقتاۋ ءۇشىن ناقتى شەشىمدەر قابىلداندى.

ەكىنشىدەن، سوڭعى ءبىر اپتادان بەرى قاۋىپتى ىندەتتى جۇقتىرۋشىلار قاتارى ازايىپ كەلەدى. دەگەنمەن، اتى جامان اۋرۋعا شالدىققان ناۋقاستاردى ەمدەۋدەگى نەگىزگى كۇش №2 وبلىستىق اۋرۋحاناعا ءتۇسىپ وتىر. سەبەبى، بۇل اۋرۋحانادا 180 ورىندىق ينفەكتسيالىق ستاتسيونار جۇمىس ىستەيدى. مۇنداعى ستاتسيونارعا كوروناۆيرۋس ينفەكتسياسىمەن اۋىرعان 1557 ادام ءتۇسىپ، ولاردىڭ 1386-سى جازىلىپ شىعىپتى. ال ينفەكتسيالىق ورىندار 60 پايىزعا ارتىپ وتىر. سونداي-اق، call-ورتالىق ارقىلى جەدەل جاردەمگە تۇسەتىن قوڭىراۋلار دا ازاي­عانى بايقالادى. اتالعان ورتا­لىقتا 36 تاجىربيەلى مامان ءتورت اۋىسىممەن جۇمىس ىستەپ، تۇر­عىندارعا ونلاين-كەڭەس بەرەدى.

– ءبىزدىڭ ستانساعا 20 ماۋسىمنان كەيىن قوڭىراۋ شالۋ كوبەيىپ، تاۋلىگىنە 1300-گە دەيىن قوڭىراۋ ءتۇستى. ال قازىر ونىڭ سانى – شامامەن 720-730. ونىڭ 300-گە جۋىعىن اۋدان تۇرعىندارى شالادى. حابارلاسۋشىلاردىڭ كوبى – دەنە قىزۋى كوتەرىلىپ، وزدە­رىندە كوروناۆيرۋس ينفەك­تسيا­سىنىڭ بەلگىلەرىن انىقتا­عىسى كەلەتىندەر، – دەيدى وبلىس­تىق جەدەل جاردەم ستانسا­سى ديرەكتورىنىڭ مىندەتىن اتقا­رۋشى نارگيز بايمول­داەۆا. 

ۇشىنشىدەن، وتكەن اپتادا م.وسپانوۆ اتىنداعى باتىس قا­زاقستان مەديتسينا ۋنيۆەر­سيتەتىن ءبىتىرىپ كەلگەن 53 ماماننىڭ 11-ءى ستاتسيونارلىق اۋرۋحاناعا، 27-ءسى باستاپقى مەديتسينالىق كومەك كورسەتەتىن ەم­حانالارعا جۇمىسقا كىرىستى. ال 15 جاس دارىگەر اۋداندارعا جىبە­رىلدى. ال ناسىر مەن ءالبي­نا وڭعارباەۆتار – «قىزىل ايماقتا» جۇمىس ىستەيتىن وتباسىلىق جۇپ. دارىگەرلىكتى تاڭداعان جاس ماماننىڭ ەكەۋى دە اقتوبەدەن كەلىپتى.

– ءبىز جۇمىسىمىزدى 20 شىلدەدە وبلىستىق اۋرۋحانا جانىنداعى پروۆيزورلىق ستا­تسيوناردا باستادىق. ناۋ­قاس­تاردى قابىلداپ، جاعدايىن باقىلايمىز. اۋرۋىنا قا­تىستى قۇجاتتار تولتىرامىز. وبلىستىق اكىمدىك جالداپ بەرگەن «دوستىق» قوناق ۇيىن­دە تۇرامىز. اۋرۋحاناعا ارنايى ۇيىمداستىرىلعان اۆتو­بۋسپەن كەلەمىز. قازىر احۋال تۇ­راقتالىپ، ناۋقاستار سانى ازايۋدا. دەسە دە، وسىن­داي قيىن جاعدايدا ناۋقاس­تارعا كومەگىمىز تيگەنىنە قۋانىشتىمىز، – دەيدى ناسىر مەن ءالبينا وڭعارباەۆتار.

وبلىستىق اۋرۋحانانىڭ پروۆيزورلىق ستاتسيونارىندا جۇمىسقا ورنالاسقان دميتري لي حيرۋرگ بولۋدى تاڭداپتى. ء«ۇش مەزگىل تاماقپەن، قور­عانىش كيىمىمەن قامتاماسىز ەتتى. جاس مامانبىز، سول سەبەپتەن، تولىمدى تاجىريبەمىز ءالى قالىپتاسا قويعان جوق. بىراق اقىل-كەڭەسىن بەرەتىن تالىمگەرلەرىمىزبەن كەڭەسىپ، ەمدەۋ شاراسىن تاعايىندايمىز»، دەپ العاشقى اسەرىمەن ءبولىستى جاس حيرۋرگ.

تورتىنشىدەن، وبلىستىق دەنساۋلىق ساقتاۋ باسقارما­سىنىڭ باسشىسى نۇرلىبەك قابدىقاپاروۆتىڭ مالىمە­تىنشە، مەديتسينالىق مەكەمەلەر 25 وتتەگى كونتسەنتراتورىمەن قامتىلىپتى. ەندى تاعى وسىنداي بەس قۇرىلعى الىنادى. پروۆيزورلىق جانە باسقا دا ستاتسيونارلارعا وتتەگى كونتسەنتراتورلارى جەتكىزىلۋدە. وسى ارقىلى وتتەگى باللوندارىنىڭ سانى ازايماق. سونىمەن بىرگە جاڭا عيماراتتارعا وتتەگى جۇ­يە­­سى تارتىلىپ جاتىر. بۇل جۇ­مىس تامىز ايىنىڭ العاشقى ون­كۇن­دىگىندە اياقتالادى دەپ كۇتىلۋدە. 

ال وبلىستىق اۋرۋحا­نا­نىڭ باس دارىگەرى ەربول يمان­عاليەۆتىڭ ايتۋىنشا، وت­تەگى كونتسەنتراتورلارى دارىگەر­لەردىڭ جۇمىسىن جەڭىلدە­تەدى. وسى كەزگە دەيىن پايدالا­نىلعان وتتەگى باللوندارى ىڭعاي­سىزدىق تۋدىرىپتى. سەبەبى، اۋىر باللونداردى تاسى­مال­داۋدىڭ قيىندىعى ءوز الدىنا، ونى وتتەگىمەن ۇنەمى تولتىرۋ قاجەت. قازىر بۇل اۋرۋحا­نانىڭ اق حالاتتىلارى 5 ليترلىك وتتەگى كونتسەنتراتورلارىن قولدانىپ وتىر.        

مۇنايلى ءوڭىردىڭ بۇگىنگى ەپيدەميالىق احۋالى تۋرالى وسىلاي دەسەك تە، 26 شىلدەدە تاعى دا 85 ادامنىڭ قاۋىپتى ىندەتتى جۇقتىرعانى راستالدى. ونىڭ ىشىندە 64 ناۋقاستا سيمپتومسىز بەلگىسى بولعان. ارينە بۇل بۇدان ءبىر اپتا بۇرىنعى دەرەكتەر­دەن الدەقايدا از. قازىر اتىراۋ­داعى ناۋقاستاردىڭ سانى 9951-گە جەتتى. جازىلىپ شىققان­-
دار – 6294 ادام.

 

اتىراۋ وبلىسى

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار