ساياسات • 27 شىلدە، 2020

58 ۇمىتكەر تىركەلدى

15 رەت كورسەتىلدى

ورتالىق سايلاۋ كوميسسياسىنىڭ كەزەكتى وتىرىسى ءوتىپ، وندا سەنات دەپۋتاتتارىن سايلاۋ ناۋقانىنا قاتىستى بىرقاتار ماسەلە قارالىپ، ۇمىتكەرلەردى تىركەۋ قورىتىندىلارى جاريالاندى.

ودان بولەك قاتىسۋشىلار سايلاۋ بيۋللەتەندەرىن دايىنداۋ جانە سايلاۋدا شەت مەملەكەتتەردىڭ، حا­لىق­ارالىق ۇيىمداردىڭ بايقاۋ­شى­لارى، شەتەلدىك بۇقارالىق اقپا­رات قۇرالدارى وكىلدەرى قىزمە­تىنىڭ كەيبىر ماسەلەلەرىن تالقى­لادى. كان­ديداتتاردى تىركەۋ قورى­تىن­دىلارى تۋرالى اۋماقتىق سايلاۋ كوميس­سيالارىنىڭ توراعالارى بايان­­دادى.

23 شىلدە ساعات 18.00-دەگى جاع­داي بويىنشا وبلىستاردىڭ، نۇر-سۇل­تان، الماتى جانە شىم­كەنت قالالارىنىڭ سايلاۋ كو­ميس­سيا­لارى قازاقستان رەسپۋبلي­كاسى پار­لامەنتى سەناتى دەپۋتات­تارىنىڭ 17 مانداتىنا ۇسىنىلعان 94 ادامنىڭ ىشىنەن 58 كانديدات­تى تىركەدى. ورتا­شا ەسەپپەن ءبىر ورىنعا 3 ۇمىتكەردەن كەلەدى. وڭىرلەر اراسىندا ەڭ كوپ كان­ديدات نۇر-سۇلتاندا جانە اقمو­لا وبلىسىندا 5 ادامنان تىركەلگەن. كانديداتتاردىڭ 48-ءى (82،8%) ەر، ال 10-ى (17،2%) ايەل.

ورتالىق سايلاۋ كوميسسياسىنىڭ توراعاسى بەرىك يماشەۆ ايەلدەردىڭ بەلسەندى ەكەنىن اتاپ ءوتتى. ولاردىڭ پايىزدىق كورسەتكىشى – 17،2. بۇل وتكەن سايلاۋ ناۋقانىمەن سالىس­تىرعاندا 2 ەسە جوعارى. مامان­دىقتار بويىنشا 19 ينجەنەر، 13 ەكونوميست، 8 پەداگوگ، 7 اگرارلىق سالا قىزمەتكەرى، 5 دارىگەر، 3 زاڭگەر، 1 ساياساتتانۋشى جانە 2 باسقا سالا قىز­مەتكەرى تىركەلگەن. 23 شىلدەدە ساعات 18.00-دەن باستاپ سەنات دە­پۋ­­­­تات­­­تىعىنا تىركەلگەن بارلىق كاندي­­دات­تار سايلاۋ الدىنداعى ۇگىت جۇ­مىس­­تارىن باستاپ كەتتى، ول 11 تا­­مىز كۇنگى ساعات 00.00-گە دەيىن جال­عا­سادى.

ال وسك حاتشىسى سابيلا مۇستا­فينا سايلاۋ بيۋللەتەندەرىن ازىر­لەۋگە قاتىستى بايانداما جاسادى. كوميسسيا قابىلداعان «2020 جىلى 12 تامىزعا تاعاي­ىن­دالعان قازاقستان رەسپۋبلي­كاسى پارلامەنتى سەناتى دەپۋتات­تارىنىڭ سايلاۋىنا سايلاۋ بيۋللەتەندەرىن دايىنداۋ تۋرالى» قاۋلىعا سايكەس وبلىستىق، نۇر-سۇلتان، الماتى، شىمكەنت قالالىق كوميسسيالارىنا ءتيىستى اكىمشىلىك-اۋماقتىق بىرلىكتىڭ سايلاۋشىلار سانىنا سايكەس بيۋللەتەندەر دا­يىنداۋ تاپسىرىلدى.

كوميسسيا مۇشەسى سەرىك سىدى­قوۆ ورتالىق سايلاۋ كوميسسياسى قازاقستان رەسپۋبليكاسىنىڭ باس مەملەكەتتىك سانيتارلىق دارى­گەرىمەن بىرلەسىپ سايلاۋدى وتكىزۋ كە­زىندە كوروناۆيرۋستىق ينفەكتسيا­نىڭ تارالۋىنىڭ الدىن الۋ بويىن­شا ۇسىنىمدار ازىرلەپ، قول قويعا­نىن حابارلادى. جالپى سايلاۋ پرو­تسەسىنىڭ سانيتارلىق قاۋىپسىز­دىگىن قامتاماسىز ەتۋ بويىنشا نەگىز­گى شەشىمدەردى وبلىستار، رەسپۋب­لي­كالىق ماڭىزى بار قالالار مەن اس­تانانىڭ اۋماقتىق سايلاۋ كوميس­سيالارى باس مەملەكەتتىك ساني­تار­لىق دارىگەرلەرمەن بىرلەسىپ قابىل­دايتىنى ايتىلدى.

ال شەت مەملەكەتتەر مەن حالىق­­ارالىق ۇيىمداردىڭ بايقاۋ­شى­لارى سىرتقى ىستەر مينيسترلىگىنىڭ ۇسى­نىسى بويىنشا اككرەديتتەلەدى. شەتەلدىك باق وكىلى سىرتقى ىستەر مينيسترلىگى بەرگەن اككرەديتتەۋ تۋرالى كۋالىگى بولعان جاعدايدا سايلاۋ­دى باقىلاي الادى.

 

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار